"Кәсіпкердің жүз жылқысы мен әншінің бір жылқысы". Төреғали Елдос Сметовке жылқы атады

Танымал қазақстандық әнші Төреғали Төреәлі Олимпиада чемпионы Елдос Сметовке асыл тұқымды жылқы сыйлады, - деп хабарлайды Massaget.kz тілшісі.

"Ол Олимпиадаға кетерде кездесіп, бата қылып едік. Құдай қабыл еткен ғой. Менің оған қандай қатысым бар. Алтынды алған Елдос, досым, құрдасым. Халықтың алтын ұлы", - деді Төреғали Төреәлі әлеуметтік желідегі парақшасында. 

Әнші чемпионды дұрыстап құттықтай алмағанын, алайда оны "ел-аға" деп сыйлайтынын да жазған.  

"Мен оны Ел-аға деп атаймын. Менің досым, ағам. Менде бұрын үлкен ағалар берген жылқы бар. Жақсы асыл тұқымды. Соны сыйға тартамын", - деп жазды ол.

Еске сала кетейік, бұдан бұрын қазақстандық кәсіпкер Елдос Сметовке әрқайсысының құны 1 миллион теңге болатын 100 жылқы сыйлаған еді. 

Аптаның басты оқиғалары мен пайдалы видеоларды көру үшін YouTube арнамызға жазылыңыз