"Соқыр болып қалуы мүмкін". Дәрігер балалар үшін қауіпті сусынды атады

Энергетикалық сусындар балалардың соқыр болып қалуына ықпал етуі мүмкін. Бұл жайлы офтальмолог Зарина Курачинова айтты, - деп хабарлайды Massaget.kz тілшісі "News.ru"-ге сілтеме жасап.

Маманның айтуынша, бұл сусында көз торының қан тамырларына әсер ететін кофеин, таурин және инозитол бар.

"Балалық шақта олардың ағзасы әлі де дамып жатады, сондықтан энергетикалық сусындардың әсері қатты болуы мүмкін. Әсіресе, жасөспірімдер мен балалардың көз саулығына энергетикалық сусындардың әсері қауіпті", - дейді дәрігер.

Офтальмолог мысал ретінде Ұлыбритания тұрғынының жағдайын келтірді: ол энергетикалық сусындарды жүйелі түрде ішкеннен кейін соқыр болып қалған. Маманның айтуынша, осы сусын үшін қыздың көз торы қан тамырларының қанмен қамтамасыз етілуі бұзылған. Дәрігер энергетикалық сусындар ересектердің де денсаулығына жағымсыз әсер етуі мүмкін екенін айтты. 

"Энергетикалық сусындарды ішу көз торының қан тамырларының тығыздығын арттырады. 250 мл энергетикалық сусынды ішкеннен кейін жарты сағат өткен соң еріктілердің көз торы қан тамырларының тығыздығының артқаны және оның 24 сағат бойы сақталғаны байқалған. Бұл қан тамырларды тарылтатын кофеин әсерімен және қанайналымды күшейтетін таурин мен инозитолдың әсерімен байланысты", - деді Зарина Курачинова.

Оқи отырыңыз: Энергетикалық сусын көп ішкеннен адам өліп кетуі мүмкін бе? Қазақстандық дәрігер түсіндірді

Instagram парақшамызға жазылып, ең қызықты ақпараттарды бірінші болып оқыңыз!