"Ұзақ күткен бақыт". Неслихан Атагүл аяғы ауыр екенін хабарлады
Қазақ қоғамына "Қара севда" сериалы арқылы жақсы таныс Түркияның танымал актрисасы Неслихан Атагүл көптен күткен жаңалығын жариялады, - деп хабарлайды Massaget.kz тілшісі.
"Біз бұл бақытты ұзақ уақыт құпия ұстағымыз келді. Ашығын айтқанда, бұл біздің құқығымыз еді... Қысқасы, біз бақыттымыз, жақсымыз және қанағат етеміз", - деп жазған актриса әлеуметтік желідегі 14 миллион оқырманынан сүйінші сұрады.
Еске сала кетейік, 31 жастағы Неслихан Атагүл түрік актері Қадыр Догулуна тұрмысқа шыққан. Олар 8 жыл бұрын "Ыстамбұлдың екі жүзі" сериалының түсірілімінен кейін үйленді.
Қазір жүктілігіне байланысты Неслихан Атагүлдің "Жұмыс күндеріндегі махаббат" (İşgal Günlerinde Aşk) сериалына түсуін жалғастырып-жалғастырмайтыны талқыланып жатыр. Продюсерлік компания түсірілімді кейінге қалдыруы мүмкін.
Посмотреть эту публикацию в Instagram
Аптаның басты оқиғалары мен пайдалы видеоларды көру үшін YouTube арнамызға жазылыңыз
Д. Ибраева