Павлодар облысындағы тасжолда екі адам көз жұмды. Жол апаты Заңғар ауылынан төрт шақырым қашықтықта болған, - деп хабарлайды Massaget.kz тілшісі pavlodarnews.kz-ке сілтеме жасап.
Облыстық жедел жәрдем станциясының мәліметінше, шақыру 22 шілде күні сағат 01:17-де түскен. Тасжолда жеңіл автокөлік фурамен соқтығысқан.
"Жедел жәрдем бригадасы оқиға орнына 12 минутта жетті. Салдарынан екі адам қаза тапты, үшеуі зардап шекті", - деп хабарлады станция.
56 жастағы ер адам мен 60 жастағы әйел ауыр жарақаттан қайтыс болған. 52 жастағы әйел №1 қалалық ауруханаға, 16 жастағы бала облыстық балалар ауруханасына жеткізілді.
Тағы бір 15 жасар баланы ауруханаға жатқызудың қажеті болмады.
Instagram парақшамызға жазылып, ең қызықты ақпараттарды бірінші болып оқыңыз!