Алдын ала ақпарат бойынша, 13 және 14 жастағы екі жасөспірім Атырау қаласының Көкарна шағын ауданындағы Жайық өзеніне батып кетті. Олар жабдықталмаған жерде шомылған, - деп хабарлайды Massaget.kz тілшісі облыстың ТЖД баспасөз қызметіне сілтеме жасап.
Құтқарушылар 2010 жылы туған жасөспірімдердің бірінің денесін 4,5 метр тереңдікте тапты. Олар денені шығарды. Екінші жасөспірім әлі іздестіріліп жатыр.
"Іздестіруге жеке құрамның 15 адамы, 5 жүзу құралы жұмылдырылды", - деп хабарлады облыс ТЖД баспасөз қызметі.
Сондай-ақ, ведомство биыл Атырау облысының аумағында шомылу маусымы ашылмағанын хабарлады.
Бұған дейін Солтүстік Қазақстан облысында екі бала суға батып кеткен: 12 жастағы және 15 жастағы ұлдар рұқсат етілмеген жерде шомылған.
Өзекті жаңалықтарды өз уақытында оқу үшін Facebook парақшамызға жазылыңыз!