Талдықорғанда 280 миллион пара алған білім бөлімінің басшысы сотталды

18 шілде 2024, 15:31

Талдықорған қаласы білім бөлімінің басшысы сотталды, - деп хабарлайды Massaget.kz тілшісі.

Биыл 17 шілдеде Жетісу облысының Қылмыстық істер жөніндегі мамандандырылған ауданаралық соты Талдықорған қаласының білім бөлімінің басшысы Жолдыхановқа қатысты үкім шығарды.

Ол бюджет қаражатын жымқыру фактілерін жасырғаны және жұмыстан босатпағаны үшін осы бөлімнің бас бухгалтерінен 280 млн теңге көлемінде пара алғаны үшін кінәлі деп танылды.

Жолдыханов 11 жылға бас бостандығынан айырылды және өмір бойы мемлекеттік қызметте қызмет атқару құқығынан айырылды. Алдын алу шаралары аясында тыңдаулар сотталған ұжымның қатысуымен өтті.

Үкім заңды күшіне енген жоқ.

Өзекті жаңалықтарды өз уақытында оқу үшін Facebook парақшамызға жазылыңыз!

С. Сатыбалдина