Көліктер мен базардағы азық-түлік ағып кеткен: Қырғызстанда көшелерді балшық сел басты
![Көліктер мен базардағы азық-түлік ағып кеткен: Қырғызстанда көшелерді балшық сел басты](/userdata/news/news_111759/image_l.jpg)
Фото:
24.kg
Қырғызстанның Ош облысында және Ош қаласында сел жүрді. Салдарынан көшелерді су басып, көліктер ағып кеткен, - деп хабарлайды Massaget.kz тілшісі 24.kg сайтына сілтеме жасап.
Жергілікті ТЖМ мәліметінше, сел басқан аймақтарға 46 құтқарушы жұмылдырылып, 420 адам құтқарылған.
Жаңбыр салдарынан Ак-Буура өзені тасып, қала көшелерін су басқан.
Тұрғындар жариялаған видеоларда қаладағы орталық базарда азық-түліктер мен тауарлар, бірнеше көлік суға ағып кеткенін көруге болады.
Ош облысында сел Асан-Чек және Манас Кара-Су аудандарындағы ауылдарда болған.
Сел үйлер, аулалар мен көшені басып өткен. Ош-Гульча-Иркештам жолы уақытша жабылған.
Аптаның басты оқиғалары мен пайдалы видеоларды көру үшін YouTube арнамызға жазылыңыз
С. Сатыбалдина