Маңғыстау облысында мектеп түлектері жаппай төбелес шығарған

Маңғыстау облысы Бейнеу ауданындағы Боранқұл ауылында мектеп түлектері жаппай төбелес шығарған, - деп хабарлайды Massaget.kz тілшісі.

Әлеуметтік желіде тараған видеода ондаған оқушы төбелесіп, тіпті кейбірі тас лақтырып жатқанын көруге болады. 

Посмотреть эту публикацию в Instagram

Публикация от 112 - Ақтау - Актау (@112_aktau)

Жергілікті полиция департаменті бұзақылық бабы бойынша қылмыстық іс қозғалғанын хабарлады. 

"Кәмелетке толмаған 47 бала полиция бөліміне жеткізілді. Қазіргі уақытта тергеу жүріп жатыр. Өзге ақпарат тергеу мүддесіне байланысты жария етілмейді", - дейді полицейлер. 

Көп ұзамай оқушылардың өзі де бұл жайтқа байланысты кешірім сұрады. 

"Соңғы қоңыраудан кейін азғантай келіспеушілік болды. Бұл жағдайда ешкім дене жарақатын алған жоқ. Осы жағдайға байланысты ата-аналардан, мектеп басшылығынан, мұғалімдерден кешірім сұраймыз", - дейді видеода оқушылар. 

Сонымен қатар, ата-аналар да оқушылардың төбелесіне байланысты кешірім сұрады. 

"Бүгін, 25 мамырда соңғы қоңыраудан кейін аз ғана уақыт ішінде мектеп оқушыларының келіспеушілігіне байланысты түсіндіріп өтейін: біздің балаларымыз ешқандай дене жарақатын алған жоқ. Балалар аман, ешкімге талап, арызымыз жоқ. Мектеп мұғалімдері, директор, полиция қызметкерлері түсіндіру жұмыстарын жүргізді. Ата-аналар балаларының қасында түгел болды. Аз ғана сәтті кесіп, интернетке салып жіберуіне байланысты халық арасында түсінбестік туды. Халықтан кешірім сұраймыз", - дейді ата-аналар. 

Қызықты жаңалықтар мен видеоларды көру үшін TikTok арнамызға жазылыңыз!