Ақмола облысында балаларға тамақтың қалдығы берілген: мектеп әкімшілігі не дейді?

Ақмола облысында ауыл тұрғыны мектепте балаларға тамақтың қалдығы берілгенін айтты. Мектеп әкімшілігі бұл мәлімдемеге қатысты пікір білдірді, - деп хабарлайды Massaget.kz тілшісі.

Ауыл тұрғыны Меруерт Құлағанова №1 мектепте жұмыс істеген көрінеді. Nayza Kokshe мәліметінше, былтыр қыркүйектен биыл сәуірге дейін жалға алушылар тамақтың қалдығын жинаған. Оларды тоңазытқышта сақтап, екінші ауысымдағы оқушыларға берген. 

Меруерт Құлағанованың сөзінше, кәсіпкер жалақы бермеген, зейнетақы аударымдарын түсірмеген. Одан бөлек, балалардың денсаулығына күн сайын қауіп төнген. Меруерт прокуратураға шағымданғанымен шара қабылданбаған көрінеді. 

Сондай-ақ тұрғынның сөзінше, аспаздар сүттің қалғанын шелекке жинап, екінші ауысымға келетін балаларға су қосып беруге мәжбүр болған. Мысалы 5 литр сүтке 10 литр су қосқан. 

Посмотреть эту публикацию в Instagram

Публикация от Nayza Kokshe (@nayzakokshe)

Зеренді ауылының №1 ЖОББМ КММ әкімшілігі бұл жазбаға қатысты пікір білдірді. Олардың сөзінше, СЭС қызметкерлері тексеріс барысында ешқандай заңбұзушылық анықтамаған. 

"Балаларға, әсіресе жағдайы төмен отбасыдан шыққан балаларға берілетін тамақ үнемі бақылауда. Азық-түлік жіті тексерістен өтеді. Тұрақты тексерулер стандарттарға сәйкестігін растайды. Асханада балалардың қажеттіліктері ескеріліп, ыстық тамақ беріледі. Дұрыс тамақ берілмеді деген айыптаулар негізсіз", - дейді мектеп әкімшілігі.

Қызықты жаңалықтар мен видеоларды көру үшін TikTok арнамызға жазылыңыз!