Тараз перзентханасында жүкті әйел өзіне қол жұмсады

33 жастағы жүкті әйел Тараз қаласының перзентханасының жуынатын бөлмесінде асылып қалған, - деп хабарлайды Massaget.kz тілшісі облыстық ПД баспасөз қызметіне сілтеме жасап.

Жамбыл облыстық перинаталдық орталықтың мәліметінше, әйел алдамшы толғаққа байланысты бақылауда болған және қажетті ем-дом шараларын қабылдап жатқан. Ауруханада жатқан уақытта оның ешқандай психологиялық ауытқуы байқалмаған.

Қайғылы жағдайға байланысты полиция департаменті тергеу шараларын бастады.

"Қажетті сараптамалар тағайындалды. Тергеу шаралары ҚР ҚК 105-бабы (Өзiн-өзi өлтiруге дейiн жеткiзу) бойынша жүргізіледі", - делінген полиция хабарламасында.

Әйелдің үш баласы және күйеуі бар, үлкені алты жаста, қалған екеуі балабақшаға барады екен.

Қызықты жаңалықтар мен видеоларды көру үшін TikTok арнамызға жазылыңыз!