- Негізгі бет
- Басты жаңалықтар
- Елімізде оқушы қыздарға қауіпті ауруға қарсы екпе қашан салына бастайтыны белгілі болды
Елімізде оқушы қыздарға қауіпті ауруға қарсы екпе қашан салына бастайтыны белгілі болды
Күзде еліміздегі оқушы қыздарға жатыр мойны обырына қарсы екпе салынады, - деп хабарлайды Massaget.kz тілшісі qazaqstan.tv-ға сілтеме жасап.
2024 жылдың үшінші тоқсанында 11 жастағы 175 мыңға жуық қыз балаға жатыр мойны обырына қарсы екпе салу науқаны басталады.
Мамандардың айтуынша, жыл сайын 2 мың қыз-келіншек осы қатерлі дертке шалдығып, оның 600-і сол жылы-ақ көз жұмады. Бұл - күн сайын кемі 4 әйел ауру жайлы біліп жатыр деген сөз.
Еске салайық, бұған дейін 2024 жылы қыздарға адам папиллома вирусына (АПВ) қарсы екпе салу үшін бюджеттен 9 миллиард теңгеге вакцина алу қарастырылғаны хабарланды. Бұл туралы денсаулық сақтау вице-министрі, бас санитария дәрігер Айжан Есмағамбетова айтты.
Өзекті жаңалықтарды өз уақытында оқу үшін Facebook парақшамызға жазылыңыз!
Ж. Қадыржанова