Оралда жеке балабақшада шкаф құлап, балалар жарақат алған

Бүгін  Орал қаласындағы  жеке балабақшалардың бірінде бүлдіршіндер мен тәрбиешінің үстіне шкаф құлаған. Тәрбиешісімен бірге төрт  бала жарақат алып, жедел жәрдем көмегіне жүгінген, - деп хабарлайды Massaget.kz тілшісі.

 БҚО  полиция департаментінің баспасөз қызметі бұл оқиғаны растады. Сол бойда төрт  бала облыстық көпбейінді балалар  ауруханаға жеткізілген.

   Облыстық денсаулық сақтау басқармасының баспасөз қызметі берген мәлімет бойынша жедел жәрдем қызметіне 11.30 -да сәбилердің жарақат алғаны туралы хабар түскен. Төрт бала балалар ауруханасына, тәрбиеші әйел қалалық көпбейінді ауруханаға жеткізілген. Дәл қазір иық, қол, кеуде түрлі дене жарақатын алған сәбилер толық тексерліп, амбулаториялық ем тағайындалып, ұсынбамен үйлеріне жіберілген.  Полиция қызметкерлері оқиғаның мән-жайын анықтауда.

 Гүлжамал Кенжеғалиева

Аптаның басты оқиғалары мен пайдалы видеоларды көру үшін YouTube арнамызға жазылыңыз