Toyota компаниясы Corolla автокөлігінің (седан) америкалық нарыққа арналған жаңа түрін таныстырды. Темір тұлпар TNGA платформасы негізінде жасалып, сыртқы түріне айтарлықтай өзгеріс енген. Corolla автокөлігінің жаңасы осыған дейінгі нұсқасына қарағанда кеңірек етіп жасалған. Биіктігін де аласартқан. Алдыңғы аспаларын қысқалау қылып, керісінше артқы аспаларын аздап созған. Автокөліктің салонынан минимализм сезіледі. Басы артық батырмалар мен бұрағыш құралдар жоқтың қасы. Алдыңғы панельдің ортасына мультимедиялық дисплей орнатылған. Сондай-ақ бұл жүйе дауыстық басқару арқылы жабдықталған. Amazon Alexa, WiFi, Bluetooth, USB-порттары бар. Климат-бақылау блогы жұмысын әлдеқайда жақсартқан. Safety Sense 2.0 қорғаныс жүйесімен жабдықталған.