Тұздың төлем ақысы

Көрші апай қашан көрсең дүкеннен қиралаңдап теңіз тұзын тасиды да жүреді. Келе жатып ауыр жүгін бірнеше мәрте үйіне жеткізіп те бердім. Бүгінгісі тіпті ауыр, табалдырығынан аттатып:

- Мұнша тұзды не істемексіз? – деп сұрап қалдым.

- Емделемін.

- Қалай сонда? – деп сұрадым таң қалып.

- Ваннаға су толтырып, мұның бірнеше паршасын салып, айда кеп шомыламын.

- Былай, әсері бола ма?

- Болғанда қандай! Теңіз тұзы буын-буынның, әсіресе тізе, аяқ сияқты сүйек сықырының бірден-бір емі. Е, шырақ, қалқиып жер басып жүргенім осы тұздың арқасы. Оның бұдан да басқа қасиеті бар.

- Қандай?

- Суда жалыққанша жатып болып, іле-шала оған балық бөктіремін. Бір-екі күн тұрған соң, нағыз тұзды балық болып түрленіп шыға келеді.

- Содан?

- Содан соң, оның тұз сіңіп сірне болғанын сүзіп алып, базарға апарып сатамын. Қиыны – сату. Күні бойы тікеңнен тік тұрғаннан тізе сырқырап, аяқ қақсайды.

- Базарда неңіз бар?! Сатып қайтесіз оны?!

- Түсер пайдасын айтсайшы!

- Көп пе?

- Теңіз тұзы мен тұздалмаған балық сатып алуға жетеді.

Аударған: Бақтыбай Жүмәділдин

Дайындаған: Алшын Матай

Сурет: baidu.com