Арсен Томский Алматыда қазақ тіліндегі кітабының тұсаукесерін өткізді

Алматыдағы Есентай галереясында кәсіпкер Арсен Томскийдің «inDriver: Якутскіге дейін» кітабының тұсаукесері өтті.

Арсен Томский «inDriver: Якутсктен Силикон алқабына дейін» кітабын жазды. Алматыда Томскийдің қазақ тіліне аударылған кітаптың тұсаукесерін өткізді. Кітаптан сіз негізін қалаушының жеке тарихы мен оның өмірлік ұстанымдары туралы, сонымен қатар әртүрлі бизнес үлгілері, кәсіпкерлік, нарыққа жаңа өнімді шығару және оның позициясы туралы біле аласыз. Автор асулар мен құлдырауларды ашық айтып, мотивация мен өмірдің мәнін іздеудің сырымен бөліседі.

«Қазақстан жеке мен үшін де, inDriver үшін де ерекше орын. Мен үшін бұл жерде якутпен туыстас түркі халқы тұратындықтан ыстық. Компания үшін, inDriver халықаралық кеңеюі Қазақстанда басталды, өйткені біз үшін бұл әлемдегі ең үлкен нарықтардың бірі. Мен халықаралық IT алпауыттарын сынайтын халықаралық құбылысқа айналған Сібірдегі шағын қалашықтан бизнес құрудағы жеке тәжірибеммен бөлісетін кітап жаздым. Біз табыс қумай, өз жолымызбен жүріп келе жатқандықтан жеңіске жеттік. Компанияның міндеті – әділетсіздікпен күресу», - inDriver бас директоры Арсен Томский.

Ал, Ғалим Құсайынов қазақ тілінде шыққан автордың бастамасын қуана қолдайтынын айтады.

«Біз Арсен Томскийдің кітабын қазақ тілінде шығару бастамасын қуана қолдаймыз. Бұл қарапайым жігіттің жаһандық технологиялық бизнесті қалай құрғаны туралы әңгіме. Технология орталық сатыға көтерілуде және қазір банктермен тығыз байланысты. Олар біздің тұтынушыларымызға күнделікті өмірін жеңілдетуге мүмкіндік беретін қарапайым және жылдам шешімдерді ұсынады. Біз адамдардың құзыреттілігін, білімін, шығармашылығын және ұжымдық жұмысын бағалаймыз», - «Банк ЦентрКредит» АҚ басқарма төрағасы Ғалим Хұсайынов.

Кітап авторы студенттік жылдарында «барлық бағдарламашылар сияқты» социопат болғанын, дискотека мен ойын-сауыққа алаңдамайтынын, барлық бос уақытын бағдарламалауға арнағанын айтты.

«Егер сіз ештеңе жасамасаңыз, табысқа жетпейсіз. Сіз «табысқа жете алмайсыз» дегенде тыңдамаңыз. Студент кезімде мен банктерге қаржыны оңтайландыру бойынша кеңестік қызмет көрсеттім, ал 20 жасымда жақсы ақша тауып жүрдім. Бірақ содан кейін ол Интернетпен «ауырып қалдым», 25 жасында SakhaInternet компаниясын құрдым. Сол кезде көп ақша әкелмегенімен, мұны істеуге тұрарлық екенін түсіндім. Сондықтан, ешқашан ақшаның артынан жүгірмеңіз. Өзіңіз жақсы көретін іспен айналысыңыз», – дейді автор.

Арсен Томский кітабының мәтіндік және аудио нұсқалары KITAP қосымшасында қолжетімді. Сондай-ақ, кітаптың тұсаукесері кезінде қонақтар суретші Катя Канның Esentai галереясындағы «Орталық Азия эфирі» атты көрмесі аясындағы таңғажайып туындысымен танысты.

Айта кетейік, Арсен Томский – Якутиядан келген сериялық технология кәсіпкері. Оның ең сәтті жобасы – халықаралық нарықта әлемнің ең ірі IT-гиганттарымен тиімді бәсекелесетін inDriver қызметі. Бұл қызмет әлемнің ондаған елдеріндегі жүздеген қалаларды қамтыды. 2021 жылдың басында inDriver «бір мүйізді» компания мәртебесін алып, құны 1 миллиард доллардан асты. Компанияның Қазақстанда екі кеңсесі бар – Алматы мен Астанада, сонымен қатар компания Astana Hub резиденті болып табылады. Арсен Томский кездесу барысында Spark цифрлық университетін құру және жастарды қолдауға бағытталған бірқатар коммерциялық емес жобаларды жүзеге асыру жоспарларымен бөлісті.