Денсаулық туралы мақал-мәтелдер

Кейінгі кезде денсаулықтың қасиетін түсіне бастағанымыз рас. Мал-жанның амандығы – ел тұтастығының негізі. Дана қазақ бұл байлықтың қадірін білу үшін аталы сөз мақал-мәтел арнаған. Соның бірнешеуін назарыңызға ұсынамыз.

Аруанаға жүгіңді арт,
Белі талмастан бұрын.
Денсаулықтың қадірін біл,
Науқастанбастан бұрын.

***

Аманат аман сақтайды.

***

Жұғын бар жерде шыбын бар,
Шыбын бар жерде шығын бар.

***

Он екі мүшең сау болса,
Дәулет емей немене?
Он саусағың сау болса,
Сәулет емей немене?

***

Ауру кісі күлкі сүймес,
Ауыр жүкті жылқы сүймес.

***

Елемеген ауру жаман,
Ескермеген дау жаман.

***

Жаны ашымастың қасында басың ауырмасын.

***

Тісі ауырғанның көңілін сұрамайды.

***

Қайталаған дерт жаман,
Қайта бұзылған серт жаман.

***

Ауру шықпаған жаннан дәмелі,
Жалқау бітпеген малдан дәмелі.

***

Дос-жаран ауырып қалғанда,
Елемей селсоқ жүрерсің.
Әлекке ауру салғанда,
Қадірін жанның білерсің.

***

Емнен жаман жазыла бастаса,
Жақсылығыңды ұмыта бастайды.

***

Көнені керек етпесең,
Жаңа табылмайды,
Байлауды керек етпесең,
Жара жазылмайды.