9 мамыр – Жеңіс күні туралы қызықты деректер

Жеңіс күні – Совет үкіметінің фашистермен болған Ұлы Отан соғысы кезіндегі жеңіске жеткен күні. Бұл 1941-1945 жылдар аралығын қамтиды. 

9-мамыр күні тойланады. 

Бұл күндері Абхазияда, Молдавияда, Арменияда, Белоруссияда, Грузияда, Қазақстанда, Қырғызстанда, Молдавияда, Өзбекстанда, Түркіменстанда, Украинада, Ресейде және Оңтүстік Осетияда демалыс жарияланады. 

1945 жылы 8 мамыр күні орталық Еуропа уақытымен сағат 22:43 (Мәскеу уақытымен 9 мамыр 0:43) болғанда генерал-фельдмаршал Вильгем Кейтель және генерал-полковник Штумпф пен адмирал Кригсмарин Германияның жеңіліс тапқаны туралы Актке қол қойып Мәскеуге жіберді. 1945 жылы 9 мамыр күні Орталық Фрунзе әуежайына келіп қонған «Ли-2» ұшағынан экипаж мүшесі А.И.Семенков Мәскеуге қол қойылған Актіні жеткізді. 

АҚШ «Жеңіс күнін» V-E Day немесе Victory in Europe Day атап, 8 мамыр күні тойлайды. 

1948 жылға дейін «9 мамыр – Жеңіс күні» ретінде тойланып, демалыс күні болып жарияланып келді, кейін қайта жұмыс күніне ауысқан. Тек 1965 жылдан кейін қайта күшіне енген. 

9 мамыр күні Қызыл алаңда парад тек 1965, 1975, 1985, 1990 жылдары ғана орындалған. Ал КСРО тараған соң бұл мереке жыл сайын тойланып келеді.