Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Грант құтты болсын,
Грант құтты болсын, "балмұздақ"!

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Жұлдызды блогтар —

20 жасқа дейін...
20 жасқа дейін...

Автор: Томирис Есқали

Статус: Контент-менеджер

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Арнайы жобалар / 8 НАУРЫЗ 2014 / 8 наурыз. Анамызға сыйлық таңдайық

8 наурыз. Анамызға сыйлық таңдайық

8 наурыз. Анамызға сыйлық таңдайық

Жылына бір рет анамызға 8 наурызда не сыйлаймыз деген мәселе алдымыздан шығады. Дүкендерде сыйлықтан көп нәрсе жоқ көрінгенімен, сатып алайын дегенде не таңдарыңды білмей дал боласың. Оған қоса біз қарапайым дүниелерден гөрі ерекше сыйлық алуға тырысатынымыз тағы бар. Анамыздың көңілінен шығатын, пайдалы да, қуантарлық не зат сыйлауға болады? Талқылап көрелік...

Әрине, ең бастысы жақындарыңыз сіздің назарыңызға зәру екенін ұмытпаңыз. Оларға қанша сомаға, не сыйласаңыз да, мұндай тамаша күнде ең бастысы оның көңілінен шығып, қуантып қойғаныңыз маңызды.

Барлық әйелдер сыйлық алғанды жақсы көреді, ал анаңызға 8 наурызға сыйлық таңдағанда өз қалауыңызды ғана басшылыққа алмай, жақыныңыздың да қалауын ескеріңіз. Ал бұл үшін ең алдымен анаңыздың өмір салтын басшылыққа алып, лайықты да, пайдалы да дүние таңдауға тырысыңыз. 

Үй қызметіндегі анаға


Егер анаңыздың қызмет аясы көбіне үй тірлігі болса, онда қиялыңызға ерік беріп, сыйлықтың түр-түрін ұсына аласыз. Айтпақшы, көбіне сіз оған не қажет екенін білуіңіз де мүмкін, өйткені ол қандай да бір затты сатып алғысы келетінін бұған дейін айтқан шығар? Бәлкім, бұл асханаға қажетті жақсы ыдыс аяқ, блендер, тәттілер пісіретін пеш және т.б. Егер үй аспаптары түгел болса, онда жаңа фен, жылы монша халаты немесе үйге киетін шәрке керек шығар? Техниканың дамыған заманында робот-шаңсорғыш, асүйлік комбайн, автоматтандырылған пештердің небір түрлері бар, тек ақшаңыз болса болғаны.

Анаңыз көбіне үйде болатынын ескерсек, сұлулық салонына, косметика дүкеніне сертификат, фитнесс-клуб немесе бассейнге абонемент тарту етсеңіз болады. Әйелдер, қағида бойынша, өз-өзіне қарағанда ұнатады және мұндай сыйлықтар орынды болар еді.

Аналар әдетте “бар жақсы - балаларға” деген қағиданы ұстанып, өзіне жақсы дүниелерді қимайды, сондықтан балалар оларға қамқор болып, қалаған затын алып беруге мүдделі болуы керек.

Іскер анаға

Анаңыз жұмыс үстеліне қойып қоятындай, әсемделген жиектемеге отбасыңыздың суретін салып, тарту етсеңіз болады. Сонымен қатар “Сүйікті анама” деп жазып, әдемі қыш құмыра сыйласаңыз, сіздің қамқорлығыңызды есіне салып отырады.

Бәлкім, ол жаңа киім сатып алғысы келіп жүрген шығар? Дүкенге апарып, іскерлік костюм алып беріңіз. Немесе анаңыздың жұмыстағы орындығына көңілі толмай жүрген болар, ыңғайлы орындық сатып әперіп қуантыңыз.

Егер қалтаңыз көтерсе, анаңызды шипажайға немесе шетелге демалысқа аттандыруыңызға болады. Қызметтен қолы босамайтын аналар үшін бір уақыт демалыс тамаша сыйлық болар еді.

Сонымен қатар демалыста отбасыңызды қала шетіне шығарып, атқа мініп, таза ауада серуендеп қайтудың өзі үлкен сый. Күйбең тірліктен бір сәтке босап, отбасымен бірге өткен уақыт кез келген материалды заттан құнды екені рас.

Өнерсүйер анаға

Егер анаңыз түрлі мәдени шараларға баруды ұнатса, онда опера, театр немесе филармонияға билет - тамаша тарту. Тек бір билет қана алмай, оған ілестіріп әкеңізді, не әпкеңізді, анаңызды құрбысын жіберіңіз, болмаса өзіңіз еріп барыңыз. Кітаптардан оның сүйікті жанрының топтамасын немесе фильмдер жиынтығын сыйлауға болады. Болмысы нәзік жандарға сыйлыққа түрлі аромашамдар немесе жақсы бір әтір жарайды. Сонымен қатар, мұндай адамдар ерекше кәдесыйға немесе әдемі құмыраға риза болады.

Қолөнермен айналысатын анаға


Егер анаңыз уақытын киім тігу, кестелеу немесе тоқу үстінде өткізгенді жақсы көрсе, оның қызығушылығына арналған кітаптар, керекті материалдар жақсы сыйлық болады. Және көп ұзамай, анаңыз тігіп берген киіммен кербезденіп жүретініңізге сенімді болыңыз. Әлде көп уақыттан бері аңсап жүрген тігін машинасын сыйға тартарсыз?

Аспаз анаға

Егер анаңыздың басты қызығушылығы аспаздық болса, онда түрлі мәзірлер ұсынылған кітап жақсы сый. Сонымен қатар бәліштерге арналған түрлі формалар жиынтығы немесе микротолқынды пеш сияқты асхана аспаптарын тарту етіңіз. Мұнда бәрі сіздің қанша сомаға шығындалуға дайын екендігіңізге байланысты.

Және әрбір ананың көңілінен шығатын әмбебап сыйлықтар да бар: конфеттер, торт, жемістер, кофе және жақсы шай. Бірақ, мұнда да анаңыздың талғамын ескеріңіз.

Және, әрине, гүл сыйлауды ұмытпаңыз. Құттықтау ашық хатын жазып, сүйікті гүл шоғырын ұсыныңыз. Ашық хатты өз қолыңыздан жасасаңыз тіпті тамаша болар еді. “Әлемдегі ең керемет анаға” деген мақтау қағазын немесе арнайы “сыйлық” медалі, сөзсіз, ерекше тарту. Бұларды арнайы сыйлық дүкендерінен сатып алуға болады.

Енді анаңызға 8 наурызда не сыйлауға болатынын білдіңіз. Ең бастысы, есіңізде болсын: сыйлыққа не тарту етсеңіз де, анаңыз риза болады, өйткені оған сіздің ықыласыңыз бен қамқорлығыңыз маңызды, ал бұлар құнсыз дүниелер. Оған әрдайым өз құрметіңізді көрсетіңіз және оны жақсы көретініңізді жиі айтыңыз, бұл әлемдегі ең үздік сый!

Сурет: darstudio.ru, alliwaw.wordpress.com, sosol.com.cn

Дайындаған: Анар Мұстафина

Дайындаған: Ардақ Құлтай
Қосылған күні: 02 наурыз 2014, 17:02
Пікірлер
+1
02 наурыз 2014, 12:46

керек кеңес

+1
02 наурыз 2014, 22:04

ияя,рахмеет :o

+1
03 наурыз 2014, 00:21

Демалысқа барғысы келеді, ыстық су демалыс орнына жібергім келеді

+1
03 наурыз 2014, 15:21

Мен тігін машинасы мен театрдағы премьераға билет алып қойдым) қуанатынына бек сенімдімін.

-1
04 наурыз 2014, 14:46

Түрлі мәзірлер жазылған кітап сыйлайтын болдым...

+1
15 қаңтар 2015, 13:12

мен кореядан керемет косметика сыйладым

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.