Оқи отырыңыз

Өзі білмесе де елге ақыл айту – қазақтың қасиетті өнері.

Автор: Оралхан Бөкей

— Редактор бағаны —

Сүйінші, «Massaget» мобильді қосымшасы іске қосылды!
Сүйінші, «Massaget» мобильді қосымшасы іске қосылды!

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Арнайы жобалар / 15 сәуір 2014 / 15 Сәуір. Қашықта жүрген қос ғашық

15 Сәуір. Қашықта жүрген қос ғашық

15 Сәуір. Қашықта жүрген қос ғашық

Дәл қазір... тек басқа қалада,
Сен жайлы ойланды бір адам.

Ерлан Жүніс

Жүректері бірге соқса да, тағдырдың жазуымен екі жақта ғұмыр кешіп жүрген ғашықтар қаншама. Олардың арасын жүздеген, мыңдаған шақырымдар бөліп жатыр. Олар әр күн сайын махаббаттың тәтті азабын басынан кешіреді. Кіршіксіз сезімдері кеудеде бүлкіл қағып, келер күннен тек жақсылықтар тосады. ...Өзге бір қалада. Үмітін алданыш қып, кездесер күнді асыға күтумен болады. Әлдебір мұңға батып, жасқа толы жанарымен жолға қарап телміре түседі. Бәлкім олар жалғыздығын жанына ертіп ап, сағыныш атты көшеде үнсіз серуендеуге шығады. Бір-бірін аңсаған екі жүрек ертеңгі күннің екеуі үшін шаттыққа, бақытқа толы боларына шын сенеді. Себебі, сенім - шынайы махаббаттың кепілі.

Бүгін сіздерге алыстағы сезім жүгін арқалаған қаншама ғашықтардың бір кейіпкері ретінде, туған елден шалғайда білім алып жатқан Молдажанов Ербол өз махаббаты жайында сыр шертеді:

Махаббат

«Махабатсыз дүние бос», - деп Абай атамыз бекер айтпаса керек. Менің түсінігімде Махаббат деген адалдық, сенімділік, сыйластық, сүйіспеншілік сияқты керемет қасиеттерден тұратын ғаламат сезім. Десе де, махаббатқа бір-екі ауыз сөзбен нақты анықтама беру мүмкін емес. Махаббатты әркім әрқалай түсінеді. Меніңше, Махаббаттың ең қиыны – бір жақты яғни, жауапсыз махаббат. Ал ең жақсысы һәм жасампазы – екі жүректің бір-бірін сүюі. Оны біз «екі өзеннің бір арнаға тоғысуы» деп атасақ болатындай. Бір-біріне еркелей аққан қос өзен одан әрі бағыты арман-мақсаты, ағысы тоғысып, бір үлкен өзенге айнала түсері анық».

Қашықтықтағы ғашықтық

«Осы ретте қашықтықтағы махабат туралы не айтуға болады? «Махаббатқа арақашықтықтың әсері желдің отқа әсері секілді, әлсізін өшіреді, күштісін өршітеді» деген сөз меніңше өте дәл айтылған. Кейде осы сөздің байыбына барып, астарына үңілмей жатып, «көзден кетсе көңілден кетеді» деп, оттың неге әлсіз болғанын ескермей, тек қана сынақ боп соққан желге мән беріп жатамыз. Негізінен бұл жағдайдың себебін желден емес, оттан сұраған жөн шығар... Біздің сезіміміз қаншалықты шынайы болса, арадағы қашықтық оны соншалықты күшейте түседі. Мен қызым (Алла қаласа болашақ жарым) Гүлжанармен қол ұстастасып бірге жүргелі жарты жылдан асты. Әрине мен оны одан бұрын да жақсы білетінмін. Осы аралықта алғаш қашықтықтағы махаббаттың қиындығын, Жапырағым қысқы емтиханнан кейін бір айлық демалысқа үйіне (Атырауға) кеткенде сезіндім. Бір айымыз бір жылдай болды. Бірақ сол азғантай уақыт бүгінгі алты ай алысқа кеткен күндеріме дайындық екенін сол кезде білмеген екенмін. Қазір міне, Анкара қаласында оқып жүрмін. Әлеуметтік желісі, қалта телефоны бар ХХІ ғасырға үлкен рақмет. Әйтеуір, Жапырағыммен Құдайдың құтты күні сөйлесеміз, хал сұрасамыз».

Сағыныш

«Бір шетінен қиындау... Алыста тұрып алты сағат сөйлескенің жаныңда тұрып жанарына бір қараған сәтіңдей болмайды. Ең бірінші нәрсе – сағыну. Сағынбағанда қайтесің, айналаңдағы әр нәрсе оны еске салып тұрады. Жүрсең, тұрсаң, отырсаң ойыңда болады. Жүрегіңнің жартысы алыста қалғанын сезінгенде жаныңды қоярға жер таппай кетесің. Сезімің атша тулап, көңілің құлазып, кеудең қаңырап біртүрлі күй кешесің. Соңында сабырға бой алдырып, ақырындап көнесің. Бір жақсысы бұрын байыбына бармаған нәрселеріңнің қадірін түсінесің. Мысалы, бір күні түс көріп жатырмын: түсімде ҚазҰУ қалашығының ішінде Жапырағыммен қыдырып жүр екенбіз. Ол маған былдырлап бірдеңелерді айтып, мені айналып назды қылығымен еркелеп жүр екен. Менің қуанышымда шек жоқ. Сағынғаным соншалықты бір ауыз сөз айтпай, тек оны тыңдай беріппін. «Көке, неге үндемейсіз?» дегенде, абдырағаннан ауызға сөз түспей қойды. Енді оқталып бірдеңе айта бергенде, құрғыр «будильнигім» шыр ете қалып, оянып кеттім. «Сағындым сені» деген сөздің жартысын ұйқылы-ояу күйімде айттым. Сағатыма қарасам сабақ басталар уақыт та таяп қалыпты. Дәл қазір тұрмасам кешігемін. Бірақ мен сол ұйқылы-ояу күйімше телефонымды өшіре сала, қайта көзімді жұмдым. Сондағы бар ойым, Жапырағыммен түсімде қайтадан кездессем, қол ұстасып қыдырсам, айтқанын тындап, ішімдегіні ақтарсам. Бір қарағанда күлкілі, өйткені, ол менің түсім екенін біле тұра жалғастырғым келеді. Екінші жағынан, сағыныш жетегіндегі көңіл тізгін берер емес. Мүмкін, мен оның жанында болсам, бұл сезімнің дәмін татпас па едім?»

«Мінеки, қашықтықтағы сезім осылай әр нәрседен, әр сәттен ләззәт алуды, барыңды бағалап, қолдағы бар алтынның қадірін білуді үйретеді. Бұл жерде арадағы бөліп тұрған мыңдаған шақырымның қаншалықты алыс болғаны емес, ең маңыздысы дүрсілдеп соққан жүректердің алыстамауы. Осындайда бір-бірін аңсаған жүректер жараланбай, тұнық сезімдер лайланбаса дейсің».

Сөз соңы

«Менің ойымша ғашық жандар қашықтықтағы махаббаттың ыстығына күйіп, суығына төзіп осындай бір тылсым сезімді бастан өткізіп көру керек сияқты. Егер ғашықтар бір-бірін шын жүрегімен жақсы көрсе, бұл тек оң нәтижесін береді. Ол үшін ең бірінші үлкен сенім, темірдей төзім керек. «Ғашықтықпен өткен күндер ғана — өмір, ал қалғаны – жай күндер», - деген емес пе?! Сүйгеніңнен алыста өтіп жатқан күндер кім үшін және не үшін өмір сүріп жатқаныңды сезіндіре түсетіндей. Ол сенен қаншалықты алыс болса, соншалықты жақын екенін ұғасың. Жарым жүрек өз сыңарын іздейді, жабығасың, сарсаңға түсіп сағынасың. Сол сағыныштың артында ертең кездесер күннің тұрғанын, баяғыдай қол ұстасып, осы күндерді естелік қып айтып отыратыныңды ойласаң, жабырқаған жүдеу көңіл жайқалып шыға келеді. Менің ішімдегі алау сезім, от жүрек, қарсы алдымнан толассыз соққан бұл желге қасқайып тұрып қарсы алатынына сенеді. Себебі, ол сезім екі жүректің шынайы, іңкәр махаббатынан тұтанған».

P.S.  «Жүрегіңді сақта,

         Жүрегімді сақта»

Дайындаған: Шерхан Талапұлы

Сурет: жеке мұрағаттан

12232 21
Рейтинг: +19

Қосылған күні: 12 сәуір 2014, 14:30
Пікірлер
+3
12 сәуір 2014, 15:00

махаббаттарын отандық сериялдан түріктің телесериялына ауысыпты ғой.

+0
12 сәуір 2014, 19:04

Әдемі қандай екеуі.. Күшті сезім

+0
12 сәуір 2014, 19:31

сол сағыныштың артында ертең кездесер күннің тұрғанын, баяғыдай қол ұстасып, осы күндерді естелік қып айтып отыратыныңды ойласаң, жабырқаған жүдеу көңіл жайқалып шыға келеді

+0
12 сәуір 2014, 20:45

Тереңнен толғап, кеңінен көсілтіп жазады екен )

+0
14 сәуір 2014, 00:13

КЕРЕМЕТ!!! Махаббаттың құдіретін тағы да түсінгендеймін)

+0
14 сәуір 2014, 09:38

Барлықтарыңызға үлкен-үлкен рахмет :o Сіздерге де осындай мөлдір махаббат тілеймін!
Жан жүрегім әлі көрген жоқ бұл сыйлығымды... Бүгін көреді... Жаааан СЮРПРИЗ)))) :lol:
Мереке құтты болсын Қашықтағы ғашығым менің. :?: Баршаңызды осы ғашықтар күнімен шын жүректен құттықтаймын!!

+0
14 сәуір 2014, 10:27

Ерлан Жүністің жоғарыдағы өлең жолдары қатты ұнайды, жатқа білетін жалғыз өлеңім)

+1
14 сәуір 2014, 10:38

Жандарым сол, жүректеріңнен айналайын...

+0
14 сәуір 2014, 14:22

Kydai koldap jyrekterininzdin kalayumen mangi birge bolylarunuzdu tileimin!!!!!!!!!!!!!!!!! Mahabbatta meninwe wek jok tek gawuktardun bir-birine degen wunaiu mahabbatu bolsa bolganu.

+0
14 сәуір 2014, 14:38

Неткен мөлдір, тұнық, пәк сезім! Бақытты болыңыздар!!!

+3
14 сәуір 2014, 14:52

Өмірімнің сонау беймарал шағында есігін қағып кірген бұл жанды мына ерке жүрек еркелеп жүріп сүйді. Өмірімнің мынау беймаза шағында сары баласын құттай қыз сағындырып жүріп сағынды. Бірнеше қалалар мен көлдер арамызды бөліп жатыр, тіпті таулар да... Бір адамның бойынан бірнеше тұлғаның жылуын сыйлаған ардақтымды сағындым. Қуанышым да, сағынышым да, жұбанышым да, мақтанышым да, тірегім де, қорғаным да осы жан. Анада «Қашықтықтағы махаббат деген қалай, жан?» деп сұрады. Түнде ойлап жататын ойым осы еді. Бұл сынақтан өтетіндер де, өтпейтіндер де бар. Өтпейтіндер – бір-бірімен басында-ақ жаңылысқандар, өз сезімдерін суытып алғандар. Өтетіндер – болашақтарына сенімді, мына әлемге бір көзбен қарайтын жандар. Болашағымыз, мақсатымыз, ойымыз да бір. Біз бұл сынақтан да өтеміз, ИНШАЛЛАҺ!!! Тек Көкемнің ыстық құшағына енуді асыға күтіп, сағынғанымды-ай... «Жапырағым менің» деген сөзін өзінен естігім кеп жүргеніме тура 56 күн өтті. Әлі 90 күн... Бұл қашықтық бізді әлсіретпейді. Әлсірете де алмайды. Керісінше, махаббатымызға қуат бітіреді, күш береді... Сізге қарай бұлқынған сезіміме Жердің Гравитациялық Күші де жетпейді. Кинодан көріп жүрген «Телепорт» деген дүниенің жоғын-ай. Кейде «мені ап кетіңізші» деп ойлап жатам. Бірақ арманыңа ерік берсең, бір қызық дүнииелерді ойлайды екенсің. Көкем кеткелі 56 рет түсімде көрдім. Әр түсім ертеңгі күніме «Мен жаныңдамын, Жапырағым» деп демеп отырады. Суреттерімізге қарасам, әр болып жатқан оқиға, әр сәт, әр сөз, әр ән, әр кіим, әр жер, әр зат сол кездерді алдыма бейне бір кадр секілді көз алдымнан өткізіп шығарады. Алламның берген сыйына шексіз рахмет! Махаббат, сезім, сағыныш, болашаққа деген жоспарлар, мақсат деген дүниелер КӨКЕММЕН астасып жатыр. "Жанымнан тұрып кеткенше, Сағынып үлгердім сізді..." Әуежайдың «Тіркеу залына» кірген сәтінен бастап жаныма ыстық келбетіңізді көргім кеп... Сол кезді ойласам, мына көзге жастың толып кететіні. Бір шаңырақтың астында тұрып, көре алмай, сол зал арамызды бөліп тұрғанда, мынадай қашықтықты өртеп жібергім келген. Санамның өзіме бағынбай, сағынышымның жүрегімді ашытып ауыртқанын сәл-ақ күннен кейін қауышатын сәтім жуып әкетеді. Айналадағыларды жатырқап, жаным жабырқап құрғыр көңіл СІЗДІ іздеумен жүр. Жанымда болған әр күнде сан түрлі тосынсыйлар жасаушы едіңіз. «Бүгін бармаймын» деп, риясыз күлкіңізбен жанымды жадыратып, қуантатын сәтіңізді сағындым. Кең құшағыңызда өзімді алаңсыз, шексіз еркелеп, емін-еркін сезінетін ем. Қазір сағынышқа толы әр күнімнен ләззат алып, таң атысымен Алламнан атырған таңына шүкіршілік етіп, күніміздің сәтті өтуін, тезірек ертеңгі күннің болуын тілеп, күнтізбеден өткен күнін өшіріп отыратын әдет қалыптастырыппын. Skype-пен сөйлескеннен кейін кері звондап, «Жылап отырған жоқсың ба?» деп мазаланатын Көкемді қазір бір-ақ рет көруге бәрін қияр ем... Жаным менің... Сіздегі жүректің тоқтауына, дамылсыз дүрсілдеп соқпауына жол бермеймін! Тоқтатпаймын сіздегі жүректі, жаным... Тоқтатпаймын жүректі.. Тоқтатпаймын.... Жаным.
«Бізден барын аямасын,
Құшағында аяласын,
Өмір жолы мәңгі жылатпай.
Қол ұстасып ажырамай,
Қиындыққа төзіп оңай,
Бір жүрейік жас жанымыз тауып жарасым.
Ешқашан да біле алмайды,
Түсінбейді, ұға алмайды,
Жалғыз жандар бақыт бағасын...» Көкем! Сағындым... Мейрамымыз құтты болсын, ҚАШЫҚТАҒЫ МАХАББАТЫМ МЕНІҢ!!!

+0
14 сәуір 2014, 15:12

:lol: Тамаша!!!! Аллам барлық армандарыңыздың орындалуын жазсын!!! Бір болыңыздар!!! Махаббаттарыңызға ешқашан сызат түспесіне сенемін!!! Атар күндеріңіз тек жақсылығымен келсін!!! 90 күн 9 күндей өте шықсын!!! Бақытты болыңыздар!!!

+2
14 сәуір 2014, 15:15

Көкемнің тосынсыйы... Бірінен-бірі асатын тосынсыйлар... ВК-да жазған, жүректен шыққан жылы сөздерін жаттап алатын едім... Енді міне бүгін осы парақшадан ардақтымның сыйынан тауып отырмын жаныма дауа болған ыстық сөздерді... Әдемі сөздермен көмкерілген мәңгі солмайтын шоқ гүлді ерке жүрек атты құмырасына мәңгілікке сақтады...
Өмірімнің сонау беймарал шағында есігін қағып кірген бұл жанды мына ерке жүрек еркелеп жүріп сүйді. Өмірімнің мынау беймаза шағында сары баласын құттай қыз сағындырып жүріп сағынды. Бірнеше қалалар мен көлдер арамызды бөліп жатыр, тіпті таулар да... Бір адамның бойынан бірнеше тұлғаның жылуын сыйлаған ардақтымды сағындым. Қуанышым да, сағынышым да, жұбанышым да, мақтанышым да, тірегім де, қорғаным да осы жан. Анада «Қашықтықтағы махаббат деген қалай, жан?» деп сұрады. Түнде ойлап жататын ойым осы еді. Бұл сынақтан өтетіндер де, өтпейтіндер де бар. Өтпейтіндер – бір-бірімен басында-ақ жаңылысқандар, өз сезімдерін суытып алғандар. Өтетіндер – болашақтарына сенімді, мына әлемге бір көзбен қарайтын жандар. Болашағымыз, мақсатымыз, ойымыз да бір. Біз бұл сынақтан да өтеміз, ИНШАЛЛАҺ!!! Тек Көкемнің ыстық құшағына енуді асыға күтіп, сағынғанымды-ай... «Жапырағым менің» деген сөзін өзінен естігім кеп жүргеніме тура 56 күн өтті. Әлі 90 күн... Бұл қашықтық бізді әлсіретпейді. Әлсірете де алмайды. Керісінше, махаббатымызға қуат бітіреді, күш береді... Сізге қарай бұлқынған сезіміме Жердің Гравитациялық Күші де жетпейді. Кинодан көріп жүрген «Телепорт» деген дүниенің жоғын-ай. Кейде «мені ап кетіңізші» деп ойлап жатам. Бірақ арманыңа ерік берсең, бір қызық дүнииелерді ойлайды екенсің. Көкем кеткелі 56 рет түсімде көрдім. Әр түсім ертеңгі күніме «Мен жаныңдамын, Жапырағым» деп демеп отырады. Суреттерімізге қарасам, әр болып жатқан оқиға, әр сәт, әр сөз, әр ән, әр кіим, әр жер, әр зат сол кездерді алдыма бейне бір кадр секілді көз алдымнан өткізіп шығарады. Алламның берген сыйына шексіз рахмет! Махаббат, сезім, сағыныш, болашаққа деген жоспарлар, мақсат деген дүниелер КӨКЕММЕН астасып жатыр. "Жанымнан тұрып кеткенше, Сағынып үлгердім сізді..." Әуежайдың «Тіркеу залына» кірген сәтінен бастап жаныма ыстық келбетіңізді көргім кеп... Сол кезді ойласам, мына көзге жастың толып кететіні. Бір шаңырақтың астында тұрып, көре алмай, сол зал арамызды бөліп тұрғанда, мынадай қашықтықты өртеп жібергім келген. Санамның өзіме бағынбай, сағынышымның жүрегімді ашытып ауыртқанын сәл-ақ күннен кейін қауышатын сәтім жуып әкетеді. Айналадағыларды жатырқап, жаным жабырқап құрғыр көңіл СІЗДІ іздеумен жүр. Жанымда болған әр күнде сан түрлі тосынсыйлар жасаушы едіңіз. «Бүгін бармаймын» деп, риясыз күлкіңізбен жанымды жадыратып, қуантатын сәтіңізді сағындым. Кең құшағыңызда өзімді алаңсыз, шексіз еркелеп, емін-еркін сезінетін ем. Қазір сағынышқа толы әр күнімнен ләззат алып, таң атысымен Алламнан атырған таңына шүкіршілік етіп, күніміздің сәтті өтуін, тезірек ертеңгі күннің болуын тілеп, күнтізбеден өткен күнін өшіріп отыратын әдет қалыптастырыппын. Skype-пен сөйлескеннен кейін кері звондап, «Жылап отырған жоқсың ба?» деп мазаланатын Көкемді қазір бір-ақ рет көруге бәрін қияр ем... Жаным менің... Сіздегі жүректің тоқтауына, дамылсыз дүрсілдеп соқпауына жол бермеймін! Тоқтатпаймын сіздегі жүректі, жаным... Тоқтатпаймын жүректі.. Тоқтатпаймын.... Жаным.
Жүрегіңізді сақтаймын, Көкем! Жүрегіміз мәңгі қатар соғады, ИншАллаһ! «Бізден барын аямасын,
Құшағында аяласын,
Өмір жолы мәңгі жылатпай.
Қол ұстасып ажырамай,
Қиындыққа төзіп оңай,
Бір жүрейік жас жанымыз тауып жарасым.
Ешқашан да біле алмайды,
Түсінбейді, ұға алмайды,
Жалғыз жандар бақыт бағасын...» Көкем! Сағындым... Мейрамымыз құтты болсын, ҚАШЫҚТАҒЫ МАХАББАТЫМ МЕНІҢ!!!

+0
14 сәуір 2014, 15:39

Бүгінгінің осындай "Қозылары мен Баяндары, Төлегендері мен Жібектері" аман болсын! :?: :?: :?:

+0
14 сәуір 2014, 18:35

Баршаңызға рахмет!!! Үлкен рахмет!

+0
16 сәуір 2014, 19:26

гүлжанар калайсын?
:D

+0
16 сәуір 2014, 19:27

қай жақта оқып жатсын?

+1
21 сәуір 2014, 05:33

Қолдау тілектеріңізге, аппақ ниеттеріңізге баршаңызға Үлкен Рахмет! Ессіз сүйдіртіп, шексіз сағындырған Жапырағым сағанда Үлкен-Үлкен рахмет! Жан-жүрегім менің, сағынышым!

+1
21 сәуір 2014, 23:37

Көкем!!! Қауышар күнімізге шамалы уақыт қалды... Аллам қолдап, аман-есен елге оралыңызшы... Құттай қыз сағынды... Жарығым!

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл, 13 маусым

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз. 

Қайсар До Бон Сун #1
Қайсар До Бон Сун #1

До Бон Сун – ерекше қыз.Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық...