Синоптиктер қарашаның алғашқы күндері ауа райы қандай болатынын мәлімдеді. Күздің соңғы айы Қазақстанның барлық аумағында жауын-шашын және күннің суытуымен басталады. Алдағы екі тәулікте солтүстік және орталық облыстарда жауын-шашын және температураның төмендеуін тудырған суық атмосфералық фронт оңтүстік, оңтүстік-шығыс және шығыс облыстардағы ауа райына ықпал ететін болады, деп хабарлады синоптиктер. Оның әсерінен жауын-шашын, әсіресе қар жуады, таулы және тау бөктері аудандарында қатты қар, тұман, көктайғақ болып, температура төмендейді деп болжанып отыр. Ал республиканың солтүстік бөлігіне алдымен жылы, содан кейін Баренц теңізі аудандарынан арктикалық суық фронт жылжи бастайды. Тек республиканың батыс облыстары антициклон аясында болады, сондықтан мұнда жауын-шашынсыз және ауа температурасы шамалы көтеріледі.