Көк шай – ең танымал сусын әрі мәдени құндылықтың бірі, сонымен бірге денсаулыққа пайдалы. Күншығыс елінде тамақтан кейін үстелге жаңа қайнатылған шай қою – үйреншікті жағдай. Жапонияда көк шайдың бірнеше түрі өсіріледі. Мұндағы көк шай өсіру, оны кептіру және басқа процестер әртүрлі жүреді немесе шайдың түрлері дәміне, түсіне, хош иісіне, иісіне байланысты ерекшеленеді.
Сенча (煎茶)
Сенча – Жапонияда ең көп ішілетін көк шай. Ол тек шай жапырақтарынан жасалады. Шай жапырақтары жиналады, жуылады, буландырылады, содан кейін кептіріледі.
Mатча (抹茶)
Матча немесе маття ұнтақ түріндегі жапон көк шайы. Өзінің тұнық жасылымен ерекшеленетін матча шайы көлеңкеде өсіріледі. Осы арқылы шайда кофеин артады. Сонымен бірге өзінің нәзік түсіне байланысты, сортты шай қазіргі жапон асханасындағы негізгі сусындардың бірі саналады.
Гёкуро (玉露)
Гёкуро – Жапония оңтүстігінде өсірілетін қымбат көк шай. Гёкуро матча тәрізді, көлеңкеде қара түсті жапырақтар түрінде өседі. Бұл шайға ерекше табиғи дәм мен хош иіс береді.
Ходзитя (焙じ茶)
Ходзитя – қуырылған көк шайдың бір түрі. Жапырақтары ашық қоңыр түсті. Жапондар оны жеңіл һәм хош иісі үшін кешкі мол тамақтан кейін ішкенді ұнатады.