ФутболданАнглияұлттық құрамасы әлем чемпионатын жеңіспен бастады. G тобындағы алғашқы ойында ағылшындарТунисқұрамасын ұтты. Ойын Волгоград қаласында өтті. Англия құрамасына жеңіс сыйлаған екі голды да команда капитаныХарри Кейнсоқты. Бірінші голын 11 минутта өз еншісіне жазды. 35 минутта Африка құрлығынан келген құрама пенальтиден таразы басын теңестірді. Екінші таймда ағылшындар гол соғуға асықты. Сауатты қорғанған тунистіктер мүмкіндік бермеуге тырысты. Алайда негізгі уақытқа қосылған 4 минутта Англия құрамасының асығы алшысынан түсті.Харри Кейнәуедегі допты қарсыластар қақпасына баспен тоғытты. Осыған дейін бұл топтаБельгияқұрамасыПанаманы3:0 есебімен ұтқан болатын. Ертең топтық кезеңнің бірінші ойындары аяқталады.