Тынық мұхитындатүрлі антропогенді қоқыстар мен қалдықтардан жиылғанүлкен қоқыс аралы бар екені белгілі. Бірақ, бұл ақпаратқа осы күнге дейін жеткілікті деңгейде көңіл бөлінбей келді. Әлем жұртшылығы жақында анықталған тың деректер осы олқылықты жоятынына үміттенеді. Scientific Reports басылымында жарияланған мақала аралдағы пластика саны1,8 триллион екенін көрсеткен. Бұл ғалымдар болжаған мөлшерден 16 есе көп екен. Ал, оның жалпы көлемі1,6 миллион шаршы шақырымға жуықтайды. Біз қоқыстан жиылған аралдың нақты көлемін білген кезде қатты таңғалдық, дейдіэкспедицияның бас маманы Джулия Рейссер. Ал, оның көмекшісі Боян Слат аралдың басым бөлігін пластика құрайтынын айтады. Бір қызығы, бұл аралдың көлемі Франция мемлекетінен екі есе үлкен екені белгілі болғанда, бірнеше адам қоқыс аралын жеке мемлекет деп мойындау идеясын ұсынған еді. Олар ресми бекітілмеген мемлекеттің өз құжатын, валютасы мен маркаларын ойлап тапты. Жобаны ұйымдастырған Майкл Хаджес пен Дал Эванс Де Альмейда есімді жарнама мамандары солқадамдары арқылы табиғат ластануын әлі күнге дейін маңызды мәселе ретінде қарастырмай жүрген барша мемлекет басшыларына ой салуды мақсат етті. Әлем елдерінің басшылары бұл мәселеге қажет деңгейде назар аудару үшін дәл осылай істемесе болмайды. Осыдан кейін көңіл аудармаса, бұл шешімін таппайтын үлкен мәселеге айналмақ, деген болатын Хаджес.