Christie's аукцион үйі Пабло Пикассоның «Алжир әйелдері» («О» нұсқасы) картинасын саудаға қояды, – деп жазады inform.kz. Еңбек $140 миллионға бағаланды. Егер сатып алушы табылса, онда бұл картина тарихтағы ең қымбат өнер туындылардың біріне айналады.
1955 жылдың картинасы 11 мамырға жоспарланған аукцион аясында сатылады. Осыған дейін ол 1997 жылы аукционға қойылған. Ол кезде оның бастапқы құны $31,9 миллионды құраған еді.
Пикассо бұл туындының 15 нұсқасын жазған. Әрбірін А-дан О-ға дейінгі әріптерімен белгілеген. Christie's төрағасы Бретт Горвидің сөзіне қарағанда, соңғы «О» нұсқасы" – бұл сериядағы үздік картина.
сурет: picassolive.ru