Өзбек жігіті сүйіктісіне гүлді эвакуатормен апарды

Ташкент тұрғыны сүйіктісіне "миллион раушан гүл" сыйлады. Үлкен гүл шоғын жеткізу үшін ол эвакуатор жалдаған, - деп хабарлайды Tengrinews.kz порталы.

Гүл шоғының суреті Facebook-тегі "Ташкент жүргізушілері" тобында жарияланды. Әлеуметтік желі қолданушыларының кейбірі жігітті ақшаны "желге ұшырғаны" үшін сөксе, кейбірі оның бұл әрекетін қолдап жатты. "Бұл оның өміріндегі ең бірінші және маңызды қадамы болар?! Бұл деген жақсы!", - деді олар.

Топтағы қолданушылардың бірі мұндай гүлдің құны 10 миллион сом (2 мың доллар шамасында) екенін айтты. Қолданушы оның бағасын гүл сатушылардан арнайы барып сұраған екен.