Меланизм – қандай да бір жануардың қара түсті болып жаралуы. Басқа түсті жануарлардың арасында осындай түрлері сирек болса да, кездеседі екен. Меланизм кең тараған жануар – үлкен мысықтар. Қара бабыр – үлкен мысықтарда жиі кездесетін меланизмнің жақсы мысалы. Латын Америкасында ол – қара ягуар, Азия мен Африкада – қара қабылан, Солтүстік Америкада – қара қабылан не пума. Ғалымдардың айтуынша, қара мысықтардың жүйке жүйесі қарапайым түрлерге қарағанда жақсы дамыған болады.