Жұмысыңыз көп... Сессия басталды... Түнгі кезекшіліктесіз... Уақыт деген қашанда шектеулі. Амал жоқ, түнгі ұйқыңызды қиюға тура келеді. Бірақ, мұнда қиындық туғызатын бір мәселе бар. Біздер, адамдар ұйықтамаған кезімізде ағзамыз бізбен келіспейді, бітірер шаруамыз көп болса да, қисая кетуге мәжбүрлеп тұрады. Яғни, ұйқы - адамға тәуелсіз.
Сізге қажет болған жағдайда ұйқымен қалай күресуге болады?
Әдетте адамдар кофенің көмегіне жүгінеді. Әсерді тез беретін әдіс, алайда зияны да жоқ емес. Кофені жиі пайдаланудың арты дертке апарып соғуы мүмкін, екінші жағынан кофе есірткі секілді әдетке айналып кетуі де мүмкін. Кофені пайдалануға болады, бірақ тап ұйқыңыз қыса бастаған сәтте емес, одан ертерек кешкі сағат 7-8 шамасында ішіп алғаныңыз жөн. Өйткені ұйқыңыз келіп тұрғанда кофе ішсеңіз, ойлау қабілетін нашарлатып жібереді, жұмысыңызды аяқтағаннан соң, ұйықтай алмай, әбігерге түсуіңіз де мүмкін. Келесі бір кең таралған әдістердің бірі – энергетикалық сусындарды ішу. Жалпы әсер ету жағынан олар кофеге ұқсас болып келеді, олар да кофе сияқты ұйқыңызды ашқанменен, жұмыс істеуге деген құлшынысыңызды төмендетеді. Айтпақшы, мұндай сусындардың дәмі бұзылу қаупі бар, сондықтан құтыны ашқаннан соң, бірден таусып немесе аузын жауып қойыңыз. Тағы да бір зиянды әдістердің бірі – кез келген газдалған сусындар. Кока-кола, Пепси, Спрайт, Фанта және т.б. қатты газдалған сусындар жарайды. Қанша зиянды дегенменен, әрбір жарты сағат сайын аздап ішіп тұрсаңыз болады. Яғни, мөлшерден асырып жібермесеңіз, жалпы белсенділік қалпын сақтап тұра алады. Тұздалған, ащы тағамдар - ұйқыңызды ашып, белсенді қимылдауға көмектеседі. Тұздалған қиярдың бірнеше тілігінің 3 кесе кофеден де артығырақ әсері бар. Сонымен қоса, тұздалған ірімшік, маринадталған саңырауқұлақтар, ашытылған қырыққабат та көмектеседі. Бутерборд пен сүрленген шұжықты, кәдімгі қияр мен қызанақты пайдалансаңыз да болады. Пайдалы әрі дәмді. Ұйықтамауға өзге де әрекеттерді қолданып көрсеңіз болады. Бөлменің ішінде ары-бері жүрсеңіз, қан айналымыңыз жақсарады. Мейлі ол жай ғана орындықты айналу болса да, оған қоса саусақтарыңызды айналдырып, құлағыңыз бен мойныңызды уқалаңыз. Арқаңызды біреуге уқалатсаңыз, тіптен қатып кетеді. Денеңіздің ауырсынғанша қатты шыныққаны дұрыс. Ыстық немесе салқын суға бетіңізді жуып алыңыз. Тек су жылы болмасын. Душқа түсіп алсаңыз да, артық етпейді. Қолыңызды шынтаққа дейін сабындап жуудың пайдасы зор. Бірақ бұл ұйқыны ұзаққа ашуға кепіл емес. Бөлмеңізді желдетіп алыңыз. Әрине, тісіңіз сақырлап, қалтырайтындай емес, өзіңізді жақсы сезінетін температураны қалыптастырыңыз. Түніңіз ұйқысыз өтті. Ертеңгі күнді көз алдыңызға елестетіңізші! Мұндай сәттерді бір тәтті нәрсенің көмегіне жүгініңіз. Белсенді ойлануға көмегі көп. Есіңізге шоколад түсті ме? Кішкентай ғана қара шоколадты (тек қара, қалғаны тәтті ретінде ғана әсер етеді) жесеңіз, миыңыз дұрыс жұмыс істеуіне септігі тиеді. Айтпақшы, қарныңыз қатты ашып тұрса да, тәттілер таптырмас тағам бола алады. Шай – ұйқыдан сергек оянудың тағы бір жақсы тәсілі. Тәтті шай – тіптен жақсы.Осындай ұйқысыз түндерден кейін, міндетті түрде жақсылап ұйықтап алу керектігін ұмытпаңыз!
Сурет: zachet.me.