Жарықта ұйықтау семіздікке алып келеді

Америкалық ғалымдар жарық деңгейі, зат алмасу мен аштық сезімі арасында байланыс бар екенін айтты. Олардың ойынша, түнгі уақытта ұйықтамайтын немесе жарықты жағып ұйықтайтындардың семіздікке шалдығу қаупі жоғары.

Ғалымдар дене индексі қалыпты адамдардың қатысуымен зерттеулер жүргізді. Зерттеуге қатысушыларды бірнеше топқа бөлді. Бір топ үлгі ретінде қалдырылды. Ондағы адамдар түнде қалыпты жарықта ұйықтады. Түнгі уақытта жарықты жағып демалған адамдарда зат алмасу үдерісінде олқылықтар байқалған. Оларда аштық сезімі пайда болған.

Тағы бір топ компьютер экранындағы жарықпен ұйықтаған. Түнгі уақыттағы жұмыстан кейін қатысушылардағы глюкоза деңгейімен проблема туындап, күні бойы ұйықтағысы келіп жүрген.

Зерттеу нәтижесінде ғалымдар денің сау әрі сұңғақ болғың келсе, жарықты өшіріп ұйықтау керек деген тұжырым жасады.

Дереккөз: aikyn.kz