Жапон ғалымдары тіс өсірудің жаңа технологиясын ойлап тапты

Жапон ғалымдары тіс өсірудің жаңа технологиясын ойлап тапты. Жаңа технология тісі адамға ұқсас тышқандар мен сасықкүзендерде сыналды.

Емдеу әдісі жаңа тістерді өсіруге мәжбүр ететін моноклоналды антиденелерге негізделген.

Зерттеулер көрсеткендей, USAG-1 генін блоктау сүйек морфогенетикалық ақуыздың белсенділігін арттырады. Бұл молекулалар дене мүшелері мен ұлпаларының өсуін реттеуге жауап береді.

Бұл ақуыздың белсенділігіне араласу елеулі жанама әсерлер тудыруы мүмкін. Алайда зерттеушілер USAG-1-дің сүйек морфогенетикалық ақуызбен өзара әрекеттесуін өзгерткен бірқатар моноклоналды антиденелерді зерттеп, жанама әсерлер тудырмайтын антиденелерді анықтады.

"Біздің келесі жоспарымыз – антиденелерді басқа жануарларға, мысалы, ит пен шошқаға тәжірибе жасап тексеру", - дейді ғалымдар.