Газды сусындарды көп ішуден ағзада болатын өзгерістер

Денсаулығыңызды күтіп, дұрыс тамақтануға көшуді қолға алсаңыз, зиянды өнімдерден, соның ішінде газдалған сусындардан бас тарту керек болады. Олар тек дене сымбаттылығына емес, сондай-ақ көптеген органдар қызметіне жағымсыз әсер етеді. Газдалған тәтті сусындарды көп ішу несімен қауіпті?

Газдалған тәтті сусындардың зиянын түсіну үшін олардың негізгі компоненттеріне жеке тоқталайық:

- Кофеин ағзадан пайдалы минералдардың шайылып кетуіне ықпал етеді, ұйқы сапасын нашарлатады, үйреніп кетуге әкеледі;
- Сусындар құрамындағы ортофосфорлық қышқылды ағза кальций қорымен бейтараптандыруға тырысады. Содан кейін кальций сүйек жүйесі құрылымына жетпей қалады;
- Сусынның құрамындағы қант зиянды компонентке жатпайды. Бірақ оның мөлшері бұл жағдайды өзгертеді. Әр 200 мл газды тәтті сусында шамамен 5-8 шай қасық қант бар. Ол артық салмаққа, безеу шығуға, сүйектер ауруына, қант диабетіне әкеледі;
- Кока-коланың бауырға тигізер зияны зор. Сусындағы көмірқышқыл газ ішкі органдарға жағымсыз әсер етеді. Оның өте көп болуы асқорыту жолы қызметін бұзады;
- Сусындағы синтетикалық заттар шөлді қандырмайды, керісінше, одан әрі шөлдетеді. Кола ішкеннен кейін шамалы уақыттан соң шөлдей бастайсыз;
- Фруктоза тұтыну кезінде тою сезімі кеш қалыптасады, сондықтан артық тамақтану қаупі жоғары. Сондай-ақ фруктоза ішектер бұзылуын туындатуы мүмкін;
- Консерванттар, эмульгаторлар, тұрақтандырғыштар және дәм кұшейткіштер аллергия беруі мүмкін.

Газдалған тәтті сусындарды айына бір рет ішу ағзаға зиянын тигізе қоймайды. Ал оларды жиі ішу жағымсыз салдарларға әкеледі:

1.Тіс проблемасы

2. Семіздік

3. Жүрек-қан тамырлар аурулары және қысымның артуы

4. Депрессия

5.  Сүйектердің бұзылуы

6. Тері аурулары

7. Онкология

8. Қант диабеті

9. Асқазан жарасы

10. Бүйрек жеткіліксіздігі