Бүгінгі күні көшірмелердің көбейіп кеткені рас. Бұрын сапалы сөмкені көшірмеден қалай ажырату керектігі туралы жазып өткенбіз. Иіс судың құрамын ажырату сөмкенің материалын ажыратуға қарағанда қиындау. Дегенмен, иіс судың фирмалық не көшірме екендігін анықтаудың тәсілдері жоқ емес.
Иіс суды кез келген жерден ала салмаған дұрыс. Иіс судың қасында оның иісі бұрқыраған бір тілім қағаз болуы тиіс. Иіс судың қорабы сыртындағы барлық әріптері түгел анық көрініп тұратындай сапалы болуы керек. Міндетті түрде штрих коды болуы тиіс. "Францияда жасалған" деген жазуы ағылшын не француз тілінде жазылып тұруы керек. Ал Made in France жазуының орнына жай ғана France деп жазылып тұрса, бұл көшірме иіс су деген сөз.Дегенмен, иіс судың фирмалық емес екенін біліп тұрсаңыз да, иісі қатты ұнап қалды делік. Ондай кезде тәуекелге барып, иіс суды сатып алмағаныңыз жөн. Құрамы беймәлім көшірме денеңізге шашқан кезде, денсаулығыңызға кері әсерін тигізуі мүмкін. Дегенмен, бүгінде айтарлықтай сапалы көшірме иіс сулар шығарылуда. Сондықтан олардың бағалары да жоғары болады. Тіпті, арнайы дүкендердің өзінде кейде фирмалық иіс сулар сатылмайды. Ешқашан базардан, косметика мен бижутерия бөлімдерінен иіс су сатып алмаңыз. Сатушылар "сынамасы" деп көрсететін кішкене құтыдағы иіс суларды көріп жүрген шығарсыз. Ірі фирмалар иіс суды кішкентай құтымен шығармайды.
Фирмалық парфюмдердің иістері ұзақ уақытқа сақталады. Парфюмериялардың ішіндегі ең қымбаты - осы иіс су. Ол 30-40 пайыз хош иіс майларынан құралып, өз иісін 6-9 сағат бойы жоғалтпайды.
Сатып алған соң, бірден фирмалық иіс су сатып алғаныңыз жөн. Кейбір арулар "Қарапайым киінсең де, үстіңе қымбат иіс су сеп" деген қағиданы ұстанады. Әр адамның табиғи иісі кейде көп қолданатын иіс суымен астасып, анау жерде келе жатқан адамды иісінен танып жатамыз. Әрдайым хош иіске бөленіп жүріңіз.
Дайындаған: Мейіргүл Оңғарова
Сурет: chatic.net, humaga.ru, beauty.passion.ru