Тұман, қар: алдағы 3 күнде ауа райы қандай болады

Фото: Yernar Almabek\Massaget.kz

10 қараша 2021, 15:11

Қазгидрометтің синоптиктері 11, 12 және 13 қарашадағы ауа райы болжамын ұсынды.

Алдағы үш күнде батыс, солтүстік-батыс және солтүстік облыстарда жаңбыр мен қар жауатыны хабарланды.

"Сондай-ақ екпінді жел соғып, тұман түседі, көктайға болып, қар жауады. Тек республиканың оңтүстігі мен оңтүстік-шығысында ауа райы негізінен жауын-шашынсыз болады. Батыс антициклоны шығысқа қарай жылжыған сайын ауа температурасы аздап төмендейді”, - делінген хабарламада.

Еске сала кетейік, бұған дейін синоптиктер Қазақстанда қараша айына арналған ауа райы болжамын ұсынған болатын.

Т. Раушанұлы