Шымкент пен сегіз облыста ескерту жарияланды

28 қарашада Шымкент пен сегіз облыста ескерту жарияланды, - деп хабарлайды Tengrinews.kz Қазгидрометке сілтеме жасап.

Түнде Ақмола облысының солтүстігінде, шығысында оңтүстік-батыстан жел соғады, күші секундына 15-20 метр болады деп күтіледі. Көкшетауда түнде оңтүстік-батыстан жел соғады.

28-30 қарашада Жамбыл облысының таулы және тау бөктерлі аудандарында тұман күтіледі. Тәулік бойы 28, түнде 29 қарашада солтүстік-шығыстан жел соғады, облыстың шығысында және таулы аудандарында секундына 15-20 метр, екпіні секундына 23-28 метр болады.

Күндіз Батыс Қазақстан облысының батысында, солтүстік-батысында көктайғақ күтіледі. Облыстың шығысында тұман. Жел оңтүстік-шығыстан, оңтүстіктен соғады, күндіз облыстың батысында, солтүстік-батысында екпіні секундына 15-20 метр болады. Оралда күндіз көктайғақ күтіледі.

Күндіз Қарағанды облысының оңтүстігінде шығыстан жел соғады, екпіні секундына 15-20 метр болады деп күтіледі.

Қызылорда облысының орталығында жел солтүстік-шығыстан, шығыстан соғады, күші секундына 15-20 метр болады.

Түнде Павлодар облысының солтүстігінде, шығысында жаяу бұрқасын күтіледі. Оңтүстік-батыстан жел соғады, түнде облыстың солтүстігінде, шығысында секундына 15-20 метр болады.

Солтүстік Қазақстан облысының оңтүстік-батысында тұман күтіледі. Оңтүстік-батыстан жел соғады, түнде күші секундына 15-20 метр болады деп күтіледі.

Түнде және таңертең Түркістан облысының таулы, тау бөктерлі аудандарында тұман сақталады. Шығыстан, оңтүстік-шығыстан жел соғады, таулы аудандарында күші секундына 15-20 метр болады.

Шымкентте түнде және таңертең тұман сақталады.