Мәлік Ғабдуллинге арналған кезекті конференция өтті

Қазақстан Республикасы Төтенше жағдайлар министрлігінің Мәлік Ғабдуллин атындағы Азаматтық қорғау академиясында Қазақстан Республикасы Тәуелсіздігінің 30 жылдығына арналған "Ғалым Мәлік Ғабдуллин және жаңа қазақстандық патриотизм" атты IV халықаралық ғылыми-теориялық конференция өтті.

Батырдың туған күніне орай ұйымдастырылған конференция дәстүр бойынша оның ескерткішіне гүл шоқтарын қою рәсімімен басталды.

Конференцияға академия басшылығынан, профессор-оқытушылар құрамы мен курсанттарынан басқа құрметті қонақтар – Қазақстан Республикасының еңбек сіңірген қайраткерлері, ғылыми қызметкерлер, республиканың жетекші жоғары оқу орындары мен мұражайларының ғылыми қызметкерлері қатысты.

Конференцияның ашылуында академия бастығы, т.ғ.д., доцент, полковник С.Шәріпханов құттықтау сөз сөйледі. Сондай-ақ, Төтенше жағдайлар министрі генерал-майор Юрий Ильин видеоүндеу жасады.

Конференцияға М.Ғабдуллиннің шәкірті, Қазақстан Республикасының еңбек сіңірген қайраткері, филология ғылымдарының докторы, профессор Серік Негимов "М. Ғабдуллиннің қаһармандығы" атты баяндама жасады.

Шараның құрметті қонағы Кеңес Одағының Батыры Бауыржан Момышұлының жиені – Момынқұл Бекет Әбілдәұлы қос батырдың достығына тоқталды.

Пленарлық отырыста патриоттық тәрбие мен ұрпақтар сабақтастығы, Отан игілігі үшін қызмет ету парызы туралы жоғары адамгершілік сананы қалыптастырудың өзекті мәселелері бойынша баяндамалар тыңдалды.

Сондай-ақ, «Батыр ғалымнан ұлағатты ұрпақа аманат» кітабының тұсаукесері өтті, оның авторлары академия басшысы С.Д. Шәріпханов және Беларусь Республикасы Мемлекеттік ғылыми-техникалық комитеті кафедрасының профессоры С.К. Қасымова. Бұл кітап М.Ғабдуллиннің сөз тіркестері мен афоризмдерінің жинағы.

Конференция соңында Қазақстан Республикасы Тәуелсіздігінің 30 жылдығына орай конференцияға қатысушыларды Академия басшысының құрмет грамоталарымен, алғыс хаттарымен марапаттау салтанатты рәсімі өтті. Азаматтық қорғау органдары мен ведомстволық білім беру жүйесіне қосқан үлесі мен дамуына қосқан үлесі үшін конференцияның құрметті қатысушылары Қазақстан Республикасы Төтенше жағдайлар министрлігінің атынан «Төтенше жағдайлардың алдын алуда және жоюда үздік шыққаны үшін» медалімен марапатталды.

Одан әрі конференция аясында М.Ғабдуллин мұражайында "Батыр тұлға – Бауыржан" көшпелі көрмесінің ресми ашылу салтанаты, сонымен қатар – академияның акт залында жеке басқосуы өтті. Академияның ауыспалы құрамы Жамбыл облыстық тарихи-өлкетану мұражайының өкілдерімен, оның ішінде Б.Момышұлының жиені, Қазақстан Республикасы Жазушылар одағының мүшесі – Момынқұл Бекет Әбілдәұлымен кездесу өткізді.