Қазақстандық Ұлттық Географиялық Қоғамының бастауымен ұйымдастырылған "Ұлытау" экспедициясының негізгі мақсаты аталған өңірдің туристік картасын жасап, барлық маңызы бар нысанды анықтау болған еді. Осыған орай Алаша хан, Жошы хан және Хан Ордасы секілді тарихи мекендердің 3D нұсқасын жасау да қолға алынды. Алматы қаласында орын тепкен "Лаборотория Сетевых Технологии" ЖШС-інің инженер мамандары "Ұлытау" экспедициясына қатысып, жалпы модельдеу жұмыстарын жүзеге асырды. Атқарылған жұмыс туралы бас инженер Кирилл Пак видеосұхбат барысында әңгімелеп берді.