Қазақстанда "Жыл аруы" анықталды

Алматыда 28 қарашаның кешінде Қабылдау үйінің залында Fun Fearless Female марапатының лауреаттары анықталды. Халықаралық байқаудың Қазақстандағы ұйымдастырушылары – "Cosmopolitan" журналы.

Fun Fearless Female көңілді, батыл ару деген мағынаны білдіреді. Бұл сыйлық өмірдің түрлі салаларында жетістікке жеткен батыл, ақылды аруларына сый-құрмет ретінде тағайындалған.

Биыл "Жыл әйелі" дегенбасты марапат пен әдемі мүсіннің иегері «Жылдың бизнес-аруы» номинациясындағы Дана Орманбаева атанды. Оған қоса Дана 1 миллион тенге сыйлығына ие болды. Дана Орманбаева – заманауи сәтті әйелдің эталоны. Ол танымал продюсер және event-менеджер, Қазақстан Республикасының журналистер одағының мүшесі. Дана жеке өмірінде де бақытты, қазірде ол 4 баланың анасы, ал оның өмірлік жолдасы – танымал шоумен және телепродюсер Даут Шайхисламов.

Кеште әр салада сәттілікке жеткен нәзік жандылар марапатталып отырды.

"Жыл әншісі" – Динара Сұлтан

"Жыл дизайнері" – Айнұр Тұрысбек

"Үлгі алуға тұрарлық ару" мүгедек спортсмен Гульбану Абдыхалыкова атанды

"Жыл радиожүргізушісі" – Мария Зубенко

"Жыл тележүргізушісі" – Аша Матай

Динара Бақтыбаева "Жыл жаңалығы" марапатымен бірге Италияға сапарды ұтып алды

"Жыл моделі" – Алена Субботина

"Жылдың интернет тұлғасы" – Светлана Ромашкина

"Жыл актрисасы" – Әсел Сағатова

Сурет: forbes.kz