Жаңбыр, аяз: Алдағы 3 күнге арналған ауа райы

Синоптиктер Қазақстанның 8, 9 және 10 ақпан күндеріне арналған ауа райы болжамын ұсынды.

Қазгидрометтің мәліметінше, кезеңнің басында еліміздің үлкен аумағы Екатеринбург облыстарынан және онымен байланысты атмосфералық фронттардан келетін циклондық науаның ықпалында болады.

"Осыған байланысты ауа райының тұрақсыз сипаты сақталады - жауын-шашын, тұман, көктайғақ, желдің күшеюі күтілуде. Мерзімнің соңына қарай Батыс Сібір аймақтарынан солтүстік, шығыс, орталық аймақтарға антициклон ауысады. Соның салдарынан жауын-шашын тоқтап, ауа температурасы төмендейді ", - делінген хабарламада.

Солтүстік облыста түнде 15-28 градусқа дейін суық, орталық аймақтарда 15-25 градус суық болады. Қазақстанның шығысында 15-30 градус суық болады.

Бұған дейін Қазгидромет ақпан айы бойы қазақстандықтарды қандай ауа райы күтіп тұрғанын айтқан болатын. Қазақстанның басым бөлігінде ақпан айында ауаның орташа температурасы климаттық нормадан жоғары болады. Синоптиктердің айтуынша, ақпан айының бірінші онкүндікте күн суытады.