Ақтаудағы Каспий теңізінің жағалауына жылдағы әдетінен жаңылмай биыл да аққулар тобы ұшып келді.
Аққулардың қыс мезгілін жылда Каспий жағалауында өткізетін әдеті бар. Мамандардың айтуынша, жылда теңізге келетін құстардың тек бір-ақ тобы екен. Сондықтан олар адамдарды еш жатырқамайды. Тіпті арнайы келген қызықтаушылар оларды қолдан тамақтандырады. Жылда қала тұрғындары да олардың келуін асыға күтеді.
Қала тұрғыны Айғаныш Әминова: "Мен аққуларды тамашалауға жыл сайын немереммен келемін. Оларға көбіне наннан жасалған өнімдерді береміз".
Дайындаған: Болат Қосмағамбет
сурет: gum-bilim.idhost.kz,