Мәзір: Микротолқынды пеште пісетін шоколад кексі

8 Наурыз қарсаңына жігіттердің қолынан келетін оңай мәзірлер топтамасын жалғастырамыз. Бүгін назарларыңызға 5-10 минутта дайын болатын, микротолқынды пеште пісірілетін шоколад кексімен таныс боласыздар. Мұндай тәтті 8 Наурыздағы романтикалық астың керемет соңы болмақ.

Құрамы:

ұн - 4 ас қасық; какао ұнтағы - 2 ас қасық; қант - 2 ас қасық; жұмыртқа - 1 дана; сүт - 3 ас қасық; сұйық май - 3 ас қасық; ванилин - 1/4 шай қасық; шоколад - бірнеше тілім; 1 үлкен стақан. Шоколадты блендермен, үккішпен не пышақ көмегімен ұнтақтаймыз. Үлкен стақанға ұн, како, қантты салып, араластырамыз. Үстінен жұмыртқаны жарып құямыз. Түбінде ұн түйірлері қалмайтындай араластырамыз. Сүт пен  сұйық май, ванилин мен ұнтақталған шоколад қосып араластырамыз. Микротолқынды пешке ең жоғарғы қуатына 3 минутқа қоямыз. Кекс көтеріліп, пеш өшкеннен кейін қайта отырады. Кексты осы стақанмен берсеңіз, не басқа ыдысқа салып берсеңіз болады.

Дайындаған: Сания Аринова