Наурыздың 7 сипаты

Ұлыстың ұлы күні – ұлт ұғымындағы ұлы мейрамдардың бірі. Наурыз – татулықтың, бірліктің, тазалықтың жаршысы.

Бұл күні халқымыз дастарқан жайып, қонақ күтіп, қарияларымыз бата береді. «Ұлыс оң болсын, ақ мол болсын!» – деген тілек-дұғалар айтылатын Наурыз – бірліктің, ынтымақтың, береке мен татулықтың мерекесі. Бұл күні араздасқандар – адамгершілік, ренжіскендер – рақымдылық жолын ұстанады. Осынау ізгілік мерекесінде адамдар кешірімділікке, татулыққа ұйысады.

Ұлыстың ұлы күні біздің еліміз үшін əрқашан киелі саналған. Халқымыз Наурыз мейрамын ата-бабамыздан жалғасын тауып келе жатқан ұлттық мереке, салт-дəстүріміздің жалғасы деп тойлайды. Бұдан өзге Наурыз мейрамына тағы қалай сипаттауға болады? Жазушы Уақап Қыдырханұлы Ұлыстың ұлы күні жайлы өз зерттеулерін негізге ала отырып, Наурыз мейрамын 7 түрлі сипаттайды.