Фоторепортаж: Алматыдағы Наурыз тойы

Алматы қаласында Наурыз мейрамы ерекше ықыласпен тойлануда. Қаланың әр бұрышында мерекелік көңіл-күйдің лебі есіп тұр. Негізгі концерттік шара Республика алаңында өтіп жатыр.

Осы себепті біз де қала көшелеріне шығып, Алматыдағы Наурыз тойының қалай өтіп жатқандығын сіздерге көрсетуді жөн деп шештік.

Қалаға шыққан адам бүгінгі мерекенің лебін бірден сезеді. Оған дәлел көше бойында тұрғындарды қыдыртып жүрген арба сүйреген аттар мен көңілі көтеріңкі алматылықтар.

Негізгі мерекелік шара Республика алаңында болып жатыр. Сахнада танымал өнер жұлдыздары мен театр актерлары өнер көрсетуде.

Алаңда концерттік шаралардан бөлек түрлі сайыстар ұйымдастырылған. Солардың ішінде балалар күресі де бар.

Арнайы тұрғызылған дүңгіршектерде небір тіл үйіретін тәттілер мен ойыншықтар сатылуда.

Жастар жағы алтыбақан теуіп, жас балалар ойын алаңдарында көңіл көтеруде.

Гір көтеруден де сайыс ұйымдастырылған.

Наурыз мерекесіндегі қазақша күрестің де жөні бір бөлек.

Қала тұрғындары мен қонақтары қуаныштарын жасыра алар емес.

Барлығы да келіп жеткен Наурыз мейрамымен құттықтап, жылы лебіздерін білдіруде.

Қала көшелерінде еліміздің туын арқалаған мотоциклистерді де көруге болады.

Дайындаған: Еркебұлан Сатқанбаев

суреттер: ©Еркебұлан Сатқанбаев