IV The Spirit оf Tengri этнофестивалінің қашан өтетіні белгілі болды

The Spirit оf Tengri-2016 заманауи этникалық музыка фестивалінің қашан өтетіні белгілі болды. Гала-концерт 4-5 маусымда Республика Сарайыдағы Абай алаңында өтеді. Екі күнге созылатын The Spirit of  Tengri шоу фестивалі былтырғыдай open-air форматында болады. Концертті көру тегін. Шара Алматы әкімдігінің қолдауымен қаланың 1000 жылдығы аясында ұйымдастырылғалы отыр. Кейінірек осы концертте өнер көрсететіндердің толық тізімі жарияланады.

The Spirit of Tengri − ең маңызды заманауи этникалық музыка фестивальдерінің бірі. Фестивальді Tengri FM радиостанциясы ұйымдастырады. Шараның бас серіктесі - Kaspi Bank.

"Біз жыл сайын қала тұрғындары мен қонақтарын Ұлы дала халқының мұрасымен және планетаның әр түкпіріндегі ұлттық этникалық музыканың заманауи нұсқасымен таныстырамыз. Бұл жолы да тыңдармандарды ethnoworld жанрындағы жарқын атмосфералық шоу күтіп тұр", − деді шараның бас режиссері Сергей Майборода.

Айта кетейік, бірнеше жыл бойы ұйымдастырылып келе жатқан фестиваль сахнасына әлемнің 30 елінің музыканттары шықты. Олардың ішінде түріктің BaBa Zula тобы, қытай-моңғолдан құралған Hanggai ұжымы, Тilla Török's Band & Holdviola тобы, эстониялық этнобенд TRAD.ATTACK!, грузиннің The Shin триосы, Башқұртстаннан келген "Арғымақ", Nordic Namgar, Радик Тюлюш бар. Қазақстандық өнерпаздардан фестивальде "Алдаспан", "Шарапат", "Тиграхауд", Roksonaki топтары мен Еділ Құсайынов өнер көрсетті.  Өткен жылы фестивальді көруге 20 мыңнан аса адам жиналды.

Дереккөз: tengrinews