Бала тәрбиесінде ескеру керек нәрселер

Бала тәрбиесінде ескеру керек нәрселер
Фото: El.kz

Бала тәрбиесі үлкен жауапкершілікті талап ететін дүние. Өскелең ұрпақтың кез келген дүниеге құмартып тұратыны белгілі. Сондықтан оларға ненің ақ, ненің қара екенін ескерту және сол жолда тәрбиелеу алдыңғы буын мен ата-ананың басты мәселесі болу керек. Тәрбиелеудің де өзін тән ерекшеліктері бар. Ендеше төмендегі он алты ескерер жайтты естен шығармаңыз:

1. Балаларыңызды ернінен сүймеңіз.
2. Қоғамдық көліктерде балаларыңызға «мына апайдың алдына отыр», «мына ағайдың жанына отыр» деу арқылы бейтаныс адамдармен байланысын күшейтпеңіз.
3. Балаңызды басқа адамдармен дәретханаға жібермеңіз, тіпті туысыңыз болса да.
4. Балаңыз өзін сүйгізгісі келмесе, оған ашуланбаңыз.
5. Балаңызға өзінің қалауынан тыс оның денесіне ешкім тисе алмайтынын үйретіңіз.
6. Бағдаршамда қызыл жанып тұрғанда, жол бос болса да, балаңызбен бірге жолдан өтпеңіз.
7. Балаңыздың көзінше коланы сіміріп ішіп «балам, кола өте зиянды» демеңіз. Өзіңізге деген сенімінен айырылмаңыз.
8. Өзіңіз кітап оқымайтын жан болсаңыз, «балам кітап оқымайды» деп оған ренжімеңіз.
9. Балаңызға «Сен істей алмайсың» деп сағын сындырмаңыз, «істеп көргің келе ме?» деп жігерлендіріңіз.
10. Балаңызбен дос болмаңыз, әке-шеше болыңыз.
11. Балаңызға тыйым сала бермеңіз, оған зиянын түсінікті тілмен түсіндіріңіз.
12. Балаңызбен сөйлескенде оның көзіне қараңыз.
13. Балаңызды көп құшақтаңыз. Өзіне қажетті махаббатты сізден ала алмаған бала оны сырттан іздейтінін естен шығармаңыз.
14. Балаңыздың намысына тимеңіз, кінәлай бермеңіз және ешқашан ешкіммен салыстырмаңыз. Әр баланың өзінше ерекше екенін ұмытпаңыз.
15. Балаңызға бірнәрсе үйретерде қорқыту арқылы емес, түсіндіру арқылы үйретіңіз.
16. Балаңыздың сұраған сұрағына қысқа әрі нұсқа жауап беріңіз.

bakittiotbasi.kz

М. Ақан