Еуропа футбол одағы қауымдастығының (УЕФА) төрешілер жұмысын қадағалайтын маманы Пьерлуиджи Коллина халықаралық футбол кеңесі қауымдастығына (IFAB) футболшылардың ойын ережесін дөрекі бұзуына байланысты жаңа ереже ұсынды.
Футболда ауыр жарақаттар орын алып тұрады. Бір ойыншылар қызбалыққа салынып, қарсыласын әдейі шалып жатса, бірі – командасы үшін, енді бірі – байқаусызда қарсыластың денсаулығына зиян келтіріп жатады. Енді жаңа ұсынылып отырған ережеге орай, "футболшы қарсыласын әдейі ауыр жарақаттар болса, оның жарақаты жазылғанша айыпты футболшы жасыл алаңға шықпайтын болады" - деген ұсыныс тасталуда. "Әділ төреші" деген атпен танылған бұрынғы италиялық қазының бұл ойын қолдаушылар саны да артып отыр. Ал Халықаралық футбол кеңесі қауымдастығы ұсынылған ережеге сәйкес нақты шешімін 2015 жылдың ақпан немесе наурыз айында қабылдайтын болды.
Дайындаған: Өмірбек Сансызбай
Сурет:footboom.com
Ұқсас жазба