Дертті бет пен қолға қарап та білуге болады

Дертті бет пен қолға қарап та білуге болады
Фото: finelook.com.ua

Адамның бет-жүзі мен қо­лына қарап та оның қандай дертпен ауыратынын бі­луге болады екен. Төменде жа­зыл­ған кеңестерді назарыңызда ұстай жүріңіз! Егер өзі­ңіз­ден сол белгілердің бірін байқасаңыз, тез арада дәрі­гер­ге қаралғаныңыз дұрыс болады.

• Шекеңіздің терісі қызара бөртсе, оны ішек қыз­меті­нің бұзылғандығы деп біліңіз. Маңдайыңыз қызарың­қырап тұрса, онда сіз тұтынатын тағамдардың құ­рамында тұз көп бол­ғаны. Тұз — бүйректің жұмысына кедергі келтіре­ді. Ал маңдайыңыз бозарыңқы тартса, тәттіге аса құмар жанның бірісіз. Тәттіні шектен тыс жеу ағзаға зардап тигізеді.

• Екі қасыңыздың арасындағы әжімдердің сызығы көлденең болса, бауырдың қызметі нашарлады деген сөз. Маңдайдағы түзу және көлденең тартқан әжім белгілерінің көптеп кездесуі – құрамында ақуызы мол тағамдарды аса көп пайдаланудың салдары.

• Қос жанарыңыздың астыңғы және үстіңгі жағы қошқылданып, қатпарланып кетсе, бүй­ректің ауыратыны шүбәсіз.

• Беттің ұшы мен танаудың айналасындағы тері қабаттарының қызарып кетуі бұл ішек-қарын ауруларының туындағанын ұқтырады. Ал танау ұшындағы тамырлар көлемі кеңейіп кетсе, сөз жоқ жүрек-қан тамырлары жүйесінің қалыпты жағдайдан ауытқығаны.

• Бет ұшы мен еріннің арасындағы бөлікте ақ не­ме­се қара бөртпелер болса, сіз қант пен сүт тағамдарын молынан тұтынатын адамсыз. Сонымен қатар бронхит­ ауруының белгілері де беттің осы бөлігінде аңғарылады.­

• Қолыңыз қысы-жазы жылымайтын болса, онда аяқ-қолдағы қан айналымының бұзыл­ғаны. Ал алақаныңыз үнемі қызып жүрсе, ба­уырдың уытқа қарсы «қайратының» кеми бастағаны.

• Алақаныңыз тершіп, дымданып немесе құрғап, бозарып жүрсе, қалқанша без жұмысындағы ақаудың салдары. Қолыңыздың терісі ақжарғақтанып, сыдыры­лып түсе бастаса, тәніңізде А, Д дәрумендері тапшы.

• Шынашағыңыз ауық-ауық жансызданып қал­ғандай сезілетін болса, жүрек-қан тамырлары жүйесінде ақау бар. Егер жансыздану үлкен саусақтарыңыздан байқалса, ол тыныс жолындағы кеселдің хабаршысы.

• Саусақтың ең төменгі, яғни алақанға ұш­тас­қан тұсындағы буынға терең, көлбеу әжімдер түссе, сусамырға шалдығуыңыз ғажап емес. Саусақтарыңыздың ұшы қан қызыл түске енсе, ас қорыту жүйесіндегі ақауды, қоңыр-қызыл түске енсе, бауыр мен бүйректегі кеселді аң­ғартады.

• Оң қолдағы сұқ саусақ ұшының екі қапталы дуылдап қыши берсе, тоқ ішегіңізді бір тексертіп алыңыз. Сұқ саусақтың ішкі жағы ақжарғақтанып, терісі түлей берсе, онда ол өт қалтасы жұмысы бұзылғанының белгісі. 

Дереккөз: zamana.kz

Ө. Сансызбай