«Селтик» пен «Шахтердың» құрамы қандай болмақ?

«Селтик» пен «Шахтердың» құрамы қандай болмақ?

Жаңа ғана ағылшын баспасөз құралдары Чемпиондар лигасының плей-офф кезеңінің қарымта кездесуіндегі «Селтик» пен «Шахтер» сапында негізгі құрамда алаңға шығуы мүмкін футболшылардың тізімін жариялады. Бұл туралы vesti.kz сайты хабарлап отыр.

"Селтик" (Глазго, Шотландия): Фрейзер Форстер, Адам Мэттьюс, Эфе Амброуз, Вирджил ван Дейк, Эмилио Исагирре, Микаэль Лустиг, Скотт Браун, Джо Ледли, Джеймс Форрест, Крис Коммонс, Георгиос Самарас.

"Шахтер" (Қарағанды, Қазақстан)Александр Мокин, Александр Симчевич, Сергей Малый, Никола Василевич, Алдин Джидич, Андрей Порываев, Андрей Финонченко, Роджер Каньяс, Гедиминас Вичус, Геворг Газарян, Сергей Хижниченко.

Бүгінгі кездесу қос команда үшін де аса маңызды. Бұл туралы екі тараптың да бас бапкерлері жете түсінеді. Алғашқы кездесуден кейін қарсыластар бір-бірінің осал тұстарын пайдаланып, ойын тактикасын жүзеге асырары сөзсіз. Дегенмен шотландиялық команданың көптеген жанкүйерлері сүйікті командасының келесі кезеңге шығуына күмәнмен қарауда.

Қос команда арасындағы қарымта кездесу Астана уақытымен 00:45-те «Селтик Паркте» басталады. Ойынды «КТК» арнасынан тамашалай аласыздар!

 

Дайындаған: Өмірбек Сансызбай

Сурет: Vesti.kz

Ө. Сансызбай