Александр Винокуровтың Бельгиядағы жеңісі күмән тудыруда

Александр Винокуровтың Бельгиядағы жеңісі күмән тудыруда

Олимпиада ойындарының чемпионы Александр Винокуров 2010 жылы сәуір айында өткен Льеж-Бастонь-Льеж турнирінде Александр Колобневпен келісіп, жеңісті сатып алды деп айыпталуда.

«Еуроспорт-Ұлыбритания» телеарнасының мәлімдеуінше, бұл қос шабандоз Бельгия жерінде өтетін жарыстың алдында хат алмасқан екен. Хат алмасқандығы туралы дәлелді швейцариялық L’Illustra журналы анықтаған. Хат мәтінінде Колобнев жарыстың өту барысы қандай болмасын Винокуровтан қалатыны жазылған дейді. Швейцариялық журналдың мәліметіне сүйенсек, шабандоздар банктік есепшоттарымен де алмасқан көрінеді. Швейцария банк өкілдері де мұны растап отыр. 2010 жылы 28 шілдеде Винокуровтың есеп-шотынан ресейлік спортшының шотына 100 000 еуро, ал 2010 жылы 28 желтоқсанда 50 000 еуро аударылған деген де дәлел бар екен айыптаушыларда.  

"Бүгінде айыптаушылардың қолында қос спортшы келісілгені туралы толық дәлел бар. Енді олар тек дәлелдерді Бельгия құқық қорғау органдары мен Халықаралық велошабандоздар қауымдастығына жіберсе болғаны, екі спортшының да істері қаралатын болады", - дейді "Еуроспорт-Ұлыбритания" телеарнасы.

Болт жылдың үздік жеңіл атлетіне үміткер

Халықаралық жеңіл атлетика федерациясы (IAAF) 2012 жылдың үздік желаяғы атағына үміткер үш спортшының тізімін жариялады.

Үміткерлер қатарына ямайкалық желаяқ Усэйн Болт, АҚШ-тық Меррит және де орташа қашықтықтық дистанцияға (400-800м) жүгіретін кениялық Дэвид Рудиша бар.

2012 жылғы Олимпиада ойындарында Болт 100 және 200 метрде алдына жан салған жоқ. Сонымен қатар ямайкалық жігіт эстафеталық жарыста да үздік атанды. Ал Мерритт – 110 метрге кедергілер арқылы жүгіруден Олимпиада чемпионы. Рудаиша Лондон төрінде 800 метрге жүгіруден әлем рекордын жаңартып, чемпион атанған.

Жеңімпазды 24 қараша күні Испанияның Барселона қаласында Халықаралық жеңіл атлетика федерациясының (IAAF) жүз жылдығын атап өту барысында марапаттайды.

Ауыр атлетикадан Азия Чемпионатына еліміздің ең мықты зілтеміршілері аттанды

Қарашаның сегізі күні Мьянманың Янгон қаласында өтетін ауыр атлеткадан жастар мен жасөспірімдер арасындағы Азия чемпионатына жерлестеріміз кіл мықты құраммен аттанды.

Бақыт Ахметов баптайтын жастар құрамасында Жастар арасындағы әлем чемпионы - Жазира Жаппарқұл, Жасөспірімдер арасында Азия біріншілігінің күміс жүлдегері - Нұрсұлтан Рахатов, жастар арасындағы Азия чемпионы - Жасұлан Қыдырбаев, жастар арасындағы еліміздің екі дүркін жеңімпазы Екатерина Столяренко мен Фаина Сыбанбаевалар бар.

Дайындаған: Уалихан ҚОСАНБАЙ

Сурет:  eurosport.ru, alasharena.kz

Ю. НИКУЛЛИН