Қазақстандық фристайлшы Юлия Галышева Алматыдағы Универсиада ойындарында екінші алтын медалін жеңіп алды. Отандасымыз паралелльді могул сынында жеңімпаз атанды.
Финалда қазақстандық спортшы ресейлік Елизавета Безгодовоны 17:8 есебімен жеңді.
Айта кетейік, Юлия Галышева кеше могул сынында жеңімпаз атанған болатын. Универсиада ойындарында үшін рет жеңіс тұғырынан көрініп отыр. 2015 жылы да отандасымыз могулдан Универсиада чемпионы атанған.
О. Сансызбай