Жаңқош Тұраров NBA уақытша чемпиондық белбеуін жеңіп алды (видео)

Қазақстандық кәсіпқой боксшы Жаңқош Тұраров жартылай орта салмақта Солтүстік Америка (NBA) уақытша чемпиондық белбеуін жеңіп алды. Отандасымыз бразилиялық боксшы Хоаким Карнейроны бірінші раундта-ақ нокаутпен ұтты.

Жаңқош Тұраров спорттық мансабындағы 18-ші жеңісіне қол жеткізіп отыр. Оның 13-ін мезгілінен бұрын аяқтаған. 12 раундқа жоспарланған жекпе-жекте отандасымыз бірінші раундта-ақ қарсыласынан қауқарлы екенін таныта білді.

Айта кетейік, 28 жастағы бразилиялық боксшы осыған дейін 28 кездесу өткізіп, 22-де жеңіске жеткен. Оның 20-сын нокаутпен аяқтаған. Сондай-ақ,  WBC нұсқасы бойынша әлем чемпиондығына үміткер болған, ал қазір өз елінің супержеңіл салмақтағы (140 фунт — 63,5 кг) чемпионы болатын.