Оқи отырыңыз

Болмысты да, болмасты да,
Болады деп арманда!

Автор: Мұқағали Мақатаев

— Редактор бағаны —

Байтұрсынұлы Нобель сыйлығы жайында
Байтұрсынұлы Нобель сыйлығы жайында

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Бас бет / Лайфстайл / Мәдениет / Тұлға / Шерхан Мұртазаның мерейтойы дүбірлеп өтті

Шерхан Мұртазаның мерейтойы дүбірлеп өтті

Шерхан Мұртазаның мерейтойы дүбірлеп өтті

Қазақ әдебиетінің, тілінің, ділінің мұңын мұңдап, жоғын жоқтаған, шындықтың шырақшысындай болған шерлі аға, шері аға – Шерхан Мұртазаның 80 жылдық мерейтойы болады дегенде дегбірі қашып жүрген біздің өмір бір сәтке аяңдап, алды-артымызға қарауға мүмкіндік туды. Жуалы жаққа, Бауыржан Момышұлы ауылына қарай ағылып-төгілген халықтың қисабы жоқ. Әкім де, ақын да, алыс та, жақын да сонда.

Бекітілген бағдарлама бойынша, жұма күні мерейтойдың ашылу салтанаты Жамбыл облысының орталығы – Тараз қаласындағы облыстық қазақ драма театрының шаңырағында жазушының «Домалақ ана» спектаклінің тұсаукесерінен бастау алды. Бұдан кейін сенбіде «Баласағұн» орталық концерт залында «Шерхан Мұртаза шығармашылығы және тәуелсіз ел руханияты» атты республикалық ғылыми-практикалық конференция өтті. Онда абыз жазушы шығармаларының 5 томдық жинағының таныстырылымы өтіп, насихатталды. Бұдан әрі Ш. Уәлиханов атындағы облыстық әмбебап-ғылыми кітапханада Шерхан Мұртаза шығармашылығына арналған мұражай ашылды. «Халқымыздың ұлы перзенті Ш.Мұртаза 80 жаста» атты салтанатты шара, драматургиялық шығармалар байқауының жеңімпаздарын марапаттау, мерекелік концерт болатын Бауыржан Момышұлы ауылына қарай ағылдық. Тойдың қызығы палуандардың күресімен басталған сыңайлы. Намысқа тырысқан татамидегі таласты талайымыз тілерсегіміз талғанша қарадық. Жықты, жығылды, әйтсе де жеңілгендер болмады.

Бұдан әрі үлкен сахнаның маңын торуылдаған біздің басты деген шарамыз басталып кетті. Анау жақтан жұрттан бөлек, қою қара бір топ жақындап келеді екен. Шерхан Мұртаза, Әбіш Кекілбаев, Мұхтар Құл-Мұхамед бастаған топ кіріп келгенде ауыл демін ішке тартқандай, жұтынып, жым бола қалғаны. Бірде шетелдік ақпарат газетінен «таулар да жүреді, мың жылда бір жер астындағы плафтормалардың қозғалуынан» деген қызықты дерек оқығанмын. Міне сізге, көз алдыңызда қатарынан таулардың тобы мысымызды баса жақындап келеді. Осындай градациялық ойлардың асты-үстінде шырмалып қалған болуымыз керек, біздің ой-қиялымызды сап тиған бір жағдай болды. Арадан 3-4 жасар балалар шыға келіп, Шерағама қолын созғаны. Тау-ағам еміреніп тұрып беттерінен шөлпілдете сүйді кеп дейсің. Бет-аузынан түгі қалмаған анау қара бала бәрімізден де бақытты болып шыға келді.

Негізгі қонақтар орынтақта орын алғаннан соң-ақ мүлгіп тұрған сахна жадырап сала берді. «1932... Халықтың басындағы қайғысын, қасіретін шерін жусын, ұлымның атын – Шерхан қойдым!». Әрмен қарайғы ғұмыры, азаматтығы, шығармашылығы, ақтаңгерлігі көрсетіліп, орынды композицияға құрылған өмірі баяндалды. Құрметті қонақтар ішінде бірінші болып Мемлекеттік хатшы Мұхтар Құл-Мұхамед сахнаға көтеріліп, елбасы Нұрсұлтан Назарбаевтың Шерхан Мұртазаға арналған құттықтау хатын оқып, тапсырды.

Мұхтар Құл-Мұхамед, Мемлекеттік хатшы:

- Осыдан бір-екі жыл бұрын дәл осы сахнада Шерағаның ардақты ағасы, ұлағатты ұстазы, қазақтың ұлы батыры Бауыржан Момышұлының тойын тойлаған едік. Ал бүгін міне, сол Бауыржанның өмірдегі, өнердегі жалғасы, қазақтың қаһарман жазушысы, халық жазушысы Шерхан Мұртаза ағамыздың тойына жиылдық. Той құтты болсын.

 

Қуаныш Сұлтанов, ҚР Парламенті Мәжілісінің депутаты, «Нұр Отан» халықтық демократиялық партиясының фракция мүшесі:

-  Шерхан Мұртаза туралы көп дүние айтылып жатыр. Бұл мадақтау емес. Бұл соны саналы түрде бағалай білу. Мен айтар едім, Шерхан Мұртаза қазақтың сөзінің беделін көтерген адам. Шерхан қай жерде жұмыс істесе де, игілік, әділдік тұрғысынан келеді. Көптеген көркем сөз шеберлерінің өзі «Шерханның шекпенінен шықтық» деп мақтана айтады. Бұл үлкен тұлғалық. Сондықтан да өтіп жатқан тойымыз халықтың үлкен рухани мерекесі деп айтуға болады.

Жұмабай Шаштайұлы, жазушы, «Қазақ әдебиеті» газетінің бас редакторы:

-   Шерхан Мұртаза – қазақ руханиятындағы өте тұлғалы есім. Уақыт өтіп, тарих ұмытыла бастағанда көп адамдар ұмытылады. Себебі жазылған дүниенің уақыты өтеді, ескіреді. Кешегі конференцияда Әбіш Кекілбаев тауып айтты: «Қазақ тәуелсіздігін дайындаудағы ең үлкен рөлін атқарған адам Шерхан Мұртаза» деді. Уақыт тозаңына сіңіп кететін шығармалар да болуы мүмкін ғой, бірақ дәл Шерағаның әңгімелерінде Шукшиндік шешімдер бар. Шукшинге ғана тән қырлары бар. Шераға шығармашылығының ұлттық колориті де керемет. Меніңше, бұл кісі әңгіме жанрында көгінен ешқашан жұлдыз болып түспейтін сияқты.

Азаматтығына келер болсақ, жалпы Шераға Тұрар Рысқұлов, Бауыржан Момышұлылардың мектебінен шыққан. Сондай батырлық, ерлік қасиеттер дарыған адам. Қазақ қарияларының ұстанымы дәл осы Шерхан ағамызда бар. Жалпы әліге дейін ағамыз жазушылық миссиясын жақсы атқарып келеді.

Бесбай Қансейітұлы, Жуалы ауданы әкімінің орынбасары:

-   Шерағаңа деген құрметіміз ерекше. Кешегі сахналық қойылым да, мұражайдың ашылуы да, тойда жасалған іс-шараның барлығы да ол кісіге деген ілтипат-ниетіміздің барында. Тойдан кейін де ұлттық ат ойындары жалғасын табатын болады. Тойға жалпы төрт мыңдай адам шақырылған. Бірақ көріп отырғанымыздай, одан да көп қонақтарымыз бар. Мемлекеттік хатшы Мұхтар Құл-Мұхамед және басқа облыстар басшылығы ат басын тіреп отыр. Бұл біз үшін мақтаныш.

Ауыл екіге жарылып отырған. Бірінде дастархан, кең алаң болса, ал бірінде сахна. Десек те, екінші ауылда да сахнадағы болып жатқан жәйттің барлығын көрсетіп тұратын үлкен теледидар қойылыпты. Ұйымдастырушылардың мұндай тапқырлығы назар аударарлықтай болған екен. «Домалақ ана» спектаклінің қойылымы қалың жұрттың көңілінен шықты.

Сөйтіп, Шерағаның тойын да өткердік. Қазақ өркениетінің белгісіндей болған бұл тойдан рухани азық алып, санамызда естелік қазығын қағып көлікке отырдық. Жолға шыққанда Әулиеата жерінің аңызға тұрарлық табиғатына көз салуымыз да бекер емес екен. Алатаудың шыңында ғана күлгін қызыл нұр тұрғандай болды. Бәлкім тойды өткізген соң, Абайшалап өз-өзіне есеп беріп отырған Шерағамның көзі де сол шыңға түсіп отырды ма екен?.. Кім білсін...

Арнайы Массагет.кз үшін: Ардақ ҚҰЛТАЙ

7401 0
Рейтинг: +0

Дайындаған: Ла Лига
Қосылған күні: 30 қыркүйек 2012, 16:37
Пікірлер
+0
30 қыркүйек 2012, 17:24

Еее, бұл тойды көрген де арманда, көрмеген де арманда

+0
30 қыркүйек 2012, 17:32

той бойына өзгеше бір сезімде жүрдім. Шер-ағам қолымды қысқанда тіпті мысы басты.

+0
30 қыркүйек 2012, 18:43

бақыт қой мынаған барып, көріп қайту! Шерхан ағаның қолын алу тіпті үлкен бақыт! Бұйырсын бізге де! :) Аман болсын

+0
30 қыркүйек 2012, 18:47

Ақерке, ол үшін менің қолымды ұстап тілеп алуың керек ))))))))

+0
30 қыркүйек 2012, 18:50

қолыңыздан ізі кетпей жатып асығу керек онда! Ертен ешкіммен амандаспай қоя тұрыңыз! :)

+0
30 қыркүйек 2012, 19:09

әрине, бірақ жуынбай-шайынбай келе бер демексің бе? :)))))))))))))))))

+0
30 қыркүйек 2012, 19:31

ол жағы да бар екен ғой :)

+0
30 қыркүйек 2012, 19:38

"таланттыны - талантты" деп танып, баға беретін Шер-ағамыз сексеннің сеңгіріне шығып отыр. Әдебиет Олимпине Оралхан, Фариза секілді таланттарды әкеліп, қатарға қосқан ағамызға қазақ әдебиеті көп нәрседен қарыздар. Алатаудың алдаспаны боп туған Арыстың мерейтойы құтты болсын!

+0
30 қыркүйек 2012, 19:42

"Қазақ әдебиетінің" соңғы санындағы сұхбатты оқып алыпсың ғой. Сол сұхбатта журналистің "Оралхан, Фаризалар, бірі жазушы, бірі ақын өзіңізден озып кетеді деп қорықпадыңыз ба?" деген сұрағына "Озып кететінін мойындау керек. Бірақ менде пендешілік ой болған жоқ" деп жауап қайырыпты. Даналық...

+0
30 қыркүйек 2012, 19:45

Құтты болсын

+0
30 қыркүйек 2012, 20:30

"Ай мен Айшасын" жастанып оқитын ем...Ұзақ жасасын!!!

+0
30 қыркүйек 2012, 20:35

Жүз жасаңыз, Шер-аға!

+0
30 қыркүйек 2012, 21:49

Ә. Кекілбаев берген бір ауыз бағалаудың өзі балға татиды.

+0
01 қазан 2012, 00:31

Бір ауыз бағалауы бар, әрине. Бірақ бір жай сөйлем болатын пікірді мен пікір деп ойламаймын. Шерағаны жақсы бағалайтынын айтпаса да білетінімізді мойындайық.

+0
01 қазан 2012, 11:19

Көзі тірісінде торқалы тойын тойлаған ағамыз осы кісі ғана шығар

+0
01 қазан 2012, 14:24

бәлкім...

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Ең қызықты блогтар

Досыңнан жауың жақсы
Досыңнан жауың жақсы

Шешімі қиын тағы бір сұрақ

Сіз жарнамалаушысыз
Сіз жарнамалаушысыз

Cіз білесіз бе?! Күн сайын қанша рет жарнама жасайсыз?

Автор: Қара Бала
Қыз деген мэр болушы емес, жар болушы жаратылыс
Қыз деген мэр болушы емес, жар болушы жаратылыс

Қадірлі де әділ снаушы оқырман! Бұл менің толғанысым. Мен ешкімді ренжітіп,...

Ақыл деген қасиет...
Ақыл деген қасиет...

дипломын алып, оқыған біліміңізден тоқығаныз...

Cізге тән мамандық қандай?
Cізге тән мамандық қандай?

психологиялық тест арқылы өзіңізге тән мамандықты анықтап алыңыз...


Соңғы аудармалар

Red Velvet - Rookie [kaz_sub]
Red Velvet - Rookie [kaz_sub]

Оңтүстік кореялық "Red Velvet" қыздар тобының жаңа жұмысын қабыл алыңыздар. 2014 жылы құрылған топ сәтті жұмыс істеп келеді. Аталған әнге түсірілген бейнебаян да ашық түске толы, көңілді. Бұл – топтың негізгі ұстанымы. 

EXO – For Life [kaz_sub]
EXO – For Life [kaz_sub]

Оңтүстік кореялық-қытайлық бойз-бэнд EXO "For Lifе" бейнебаянымен қайта оралды. К-поперлер жақсы білетіндей, 2016 жылдың 5 қазанында S.M. Entertainment EXO-ның ізбасары EXO-CBX тобын...

JESSICA – Wonderland [kaz_sub]
JESSICA – Wonderland [kaz_sub]

Джессика Чон – корей-американ тегінен шыққан әнші, биші, актриса, модель. АҚШ-тың Калифорния штатында туған. Ағылшын, корей тілдерін жетік меңгерген. Girls’...